APOLONIA

[Kang (Iya ni) Apolo; Dapit ni Apolo].

Usa ka siyudad sa Macedonia nga ginganlan sumala sa ngalan sa Gregong diyos-adlaw nga si Apolo, sama sa daghang ubang mga siyudad sa dapit sa Mediteranyo. Nahimutang kini sa distrito sa Mygdonia nga mga 35 km (22 mi) gikan sa Ampipolis ug 45 km (28 mi) gikan sa Tesalonica, o mga usa ka adlaw nga panaw gikan sa maong mga dapit. Duol kini sa ilado nga Romanhong dakong dalan nga Via Egnatia, sa H sa Lanaw sa Bolbe, apan dili kini ilado sa kasaysayan. Si Pablo ug Silas miagi niini sa panahon sa ikaduhang misyonaryong panaw ni Pablo, lagmit gayod sa tingpamulak o sa sayong bahin sa ting-init sa tuig 50 K.P.​—Buh 17:1.