Ang Diyos Walay Pinalabi

“Ang Diyos walay pinalabi, hinunoa nga sa matag usa ka nasod iyang pagakahimut-an ang bisan kinsa nga mahadlok kaniya ug magabuhat sa pagkamatarong.”​—BUHAT 10:34, 35.

1. Sa karaang Atenas, unsang bililhong pahayag ang gisulti ni Pablo mahitungod sa rasa?

“ANG Diyos nga mao ang nagbuhat sa kalibotan ug sa tanang butang nga ania niini, maingon nga Ginoo man siya sa Langit ug sa yuta, wala magpuyo diha sa mga templo nga hinimog-tawo. . . . Gikan sa usa ra ka kagikan siya nagbuhat sa tanang rasa sa mga tawo aron papuy-on sa nawong sa tibuok yuta.” (Buhat 17:24-26, Phillips) Kinsa ang misulti niadtong mga pulonga? Ang Kristohanong apostol Pablo, diha sa iyang iladong pakigpulong sa Mars’ Hill, o sa Areopago, sa Atenas, Gresya.

2. Unsay makatabang sa paghimo sa kinabuhi nga mabulokon ug makaikag, ug unsay nakadayeg sa usa ka bisitang Hapones sa South Africa?

² Ang mga pahayag ni Pablo makapahunahuna kanato bahin sa katingalahang panaglahi nga naglungtad diha sa kalalangan. Gilalang ni Jehova nga Diyos ang mga tawo, hayop, langgam, insekto, ug mga tanom sa hilabihan ka daghang matang. Pagkasumo unta sa kinabuhi kon managsama pa silang tanan! Ang ilang panaglahi nakatabang a paghimo sa kinabuhi nga mabulokon ug makaikag. Pananglitan, usa ka bisita nga gikan sa Japan nga mitambong ug kombensiyon sa mga Saksi ni Jehova sa South Africa nakadayeg sa panaglain sa rasa ug kolor nga iyang nakita dito. Siya miingon nga pagkalahi niini gikan sa Japan, diin ang kinabag-an managsamag rasanhong kinaiyahan.

3. Unsay paglantaw sa pipila sa lahi ug kolor nga panit nga nakapatunghag unsa?

³ Apan ang nagkadaiyang kolor taliwala sa mga rasa nakapatunghag seryosong mga problema. Giisip sa kadaghanan kadtong lahig kolor sa panit nga ubos. Kini ang hinungdan sa panag-away, bisan pagdumot ug daghang mga pagpihig sa rasa. Mao ba kini ang tuyo sa atong Maglalalang? Ang uban bang mga rasa mas labaw sa iyang panan-aw? May pinalabi ba si Jehova?

Ang Atong Maglalalang​—May Pinalabi Ba?

4-6. (a) Unsay gisulti ni Haring Jehosaphat bahin sa pagkamay-pinalabi? (b) Sa unsang paagi gipamatud-an ni Moises ug Pablo ang pulong ni Jehosaphat?

⁴ Makakuha kitag ideya sa pila sa hunahuna sa atong Maglalalang sa tanang katawhan kon kita mobalik sa kasaysayan. Si Haring Jehosaphat, nga naghari sa Jua gikan sa 936 ngadto sa 911 W.K.P., nakahimog daghang mga kauswagan ug naghikay ug maayong pag-obra sa hudisyal nga sistema pinasukad sa kasugoan sa Diyos. Siya mihatag niining maayong tambag ngadto sa mga maghuhukom: “Hunahunaa kon unsay inyong pagabuhaton, kay kamo dili maghukom alang sa tawo kondili alang kang Jehova . . . Mag-amping ug lihok, kay diha kang Jehova nga atong Diyos walay pagkadili-matarong o walay pinalabi.”​—2 Cronicas 19:6, 7.

⁵ Gatosang mga katuigan una pa niini, gisultihan ni propetang Moises ang mga banay sa Israel: “Si Jehova nga inyong Diyos . . . walay pinalabi sa mga tawo.” (Deuteronomio 10:17) Ug diha sa iyang sulat ngadto sa mga taga Roma, si Pablo mitambag: “Aduna unyay kagul-anan ug kasakitan alang sa matag usa ka tawo nga nagabuhat ug daotan, alang sa mga Hudiyo una sa tanan ug unya usab alang sa mga Gresyanhon . . . Kay ang Diyos walay gipili.”​—Roma 2:9-11, The New English Bible.

⁶ Apan ang uban tingali mangutana: ‘Komosta ang mga Israelinhon? Dili ba pinili man silang katawhan sa Diyos? Dili bapinalabi niya sila? Dili ba miingon si Moises sa tanang Israel: “Gipili kamo ni Jehova nga inyong Diyos nga mahimong iyang katawhan, usa ka linain nga kabtangan, gikan sa tanang katawhan”?’​—Deuteronomio 7:6.

7. (a) Unsay misangpot sa dihang gisalikway sa mga Hudiyo ang Mesiyas? (b) Karong adlawa, kinsa ang nagatagamtam sa mga panalangin gikan sa Diyos, ug sa unsang paagi?

⁷ Dili, dili kadto pagpalabi sa Diyos sa paggamit sa mga Israelinhon alang sa linain nga katuyoan. Sa pagpilig katawhan nga pinaagi kanila motungha ang Mesiyas, gipili ni Jehova ang mga kaliwat sa matinumanong Hebreohanong mga patriarka. Apan sa dihang gisalikway sa mga Hudiyo ang Mesiyas, si Jesu-Kristo, ug gipapatay siya, nawad-an sila sa kahimuot sa Diyos. Apan, karon, kadtong sakop sa bisan unsang rasa o nasod nga nagtuo kang Jesus makatagamtam ug katingalahang mga panalangin ug sa palaabutong kinabuhing dayon. (Juan 3:16; 17:3) Siyempre, nagapamatuod kini nga walay pinalabi ang Diyos. Dugang pa, gisugo ni Jehova ang mga Israelinhon sa “paghigugma sa mga dumuloong” ug “sa dili paghimog daotan kaniya,” bisan unsa pay iyang rasa o nasyonalidad. (Deuteronomio 10:19; Levitico 19:33, 34) Busa, ang atong mahigugmaong Amahan sa langit walay pinalabi.

8. (a) Unsay pamatuod nga si Jehova wala magpalabi sa Israel? (b) Sa unsang paagi gigamit ni Jehova ang Israel?

⁸ Tinuod nga ang mga Israelinhon nagpahimulos ug linain nga mga pribilehiyo. Apan sila adunay mabug-at nga responsibilidad usab. Sila obligado sa pagtuman sa mga kasugoan ni Jehova, ug kadtong nangapakyas sa pagsunod niini gitunglo. (Deuteronomio 27:26) Sa pagkatinuod, kanunay gisilotan ang ga Israelinhon tungod sa pagsupak a Kasugoan sa Diyos. Busa, wala trataha sila ni Jehova ingong mga pinalabi. Hinunoa, iyang gigamit sila aron sa paghimog matagnaong mga sumbanan ugsa paghatag pananglitang mga pasidaan. Makalipay, pinaagi sa Israel nga nagpatungha ang Diyos ug Manunubos, si Jesu-Kristo, alang sa pagpanalangin sa tanang katawhan.​—Galacia 3:14; itandi sa Genesis 22:15-18.

Si Jesus ba May Pinalabi?

9. (a) Sa unsang paagi si Jehova ug si Jesus managsama? (b) Unsang mga pangutana ang mobangon mahitungod kang Jesus?

⁹ Sanglit wala may pinalabi si Jehova, si Jesus ba may pinalabi? Buweno, palandonga kini: Si Jesus kas-a miingon: “Ako wala magtinguha sa pagbuhat sa akong kaugalingong kabubut-on, kondili sa kabubut-on sa nagpadala kanako.” (Juan 5:30) Bug-os nga panaghiusa ang naglungtad tali kang Jehova ug sa iyang pinalanggang Anak, ug gibuhat ni Jesus ang kabubut-on sa iyang amahan sa tanang bahin. Sa pagkatinuod, dako kaayo ang panagsama sa ilang hunahuna ug katuyoan nga tungod niana si Jesus nakaingon: “Ang nakakita kanako nakakakita sa Amahan.” (Juan 14:9) Kapin sa 33 ka tuig, si Jesus sa aktuwal nakaeksperyensiya sa pagkinabuhi ingong tawo dinhi sa yuta, ug ang Bibliya nagpakita kon giunsa niya pagtratar ang isigkatawo. Unsay iyang tinamdan sa ubang mga rasa? May pagpihig ba siya o may pinalabi? Si Jesus ba mapihigon ug rasa?

10. (a) Sa unsang paagi gitubag ni Jesus ang pagpangayog tabang sa babayeng taga Phoenicia? (b) Pinaagi sa pagtawag sa mga Hentil nga “gagmayng mga iro,” si Jesus ba nagpakita nga may pinalabi? (c) Sa unsang paagi gibuntog sa babaye ang pagtutol, ug unsa ang resulta?

¹⁰ Gigugol ni Jesus ang kadaghanan sa iyang yutan-ong kinabuhi uban sa mga tawong Hudiyohanon. Apan usa ka adlaw giduol siya sa usa ka babayeng taga Phoenicia, nga usa ka Hentil, nga mihangyo kaniya sa pag-ayo sa iyang anak nga babaye. Sa pagtubag si Jesus miingon: “Ako gipadala ngadto lamang sa mga nangawalang karnero sa banay sa Israel.” Apan, ang babaye nagpakiluoy: “Ginoo, tabangi ako!” Niana, siya midugang: “Dili matarong nga kuhaon ang tinapay nga alang sa mga anak ug iitsa ngadto sa gagmayng mga iro.” Alang sa mga Hudiyo, hugaw nga mananap ang mga iro. Busa sa pagtawag sa mga Hentil nga “gagmayng mga iro,” dili ba si Jesus nagpakitag pagpihig? Dili, kay bag-o pa lang niyang gihisgotan ang iyang linain nga sugo gikan sa Diyos sa pag-atiman sa ‘mga nangawalang karnero sa Israel.’ Dugan pa, pinaagi sa pagpaamgid sa mga dili-Hudiyo ingong “gagmayng mga iro,” dili ihalas nga mga iro, gipalumo ni Jesus ang pagkatandi. Siyempre, ang iyang gipamulong naghatag pagsulay sa babaye. Sa mapaubsanon, bisag determinado as pagbuntog niining pagtutol, siya mataktikanhong mitubag: “Tinuod kana, Ginoo; bisan pa ang gagmayng mga iro magakaon man sa mga mumho nga matagak gikan sa lamesa sa ilang mga agalon.” Nakadayeg sa pagtuo sa babaye, giayo dihadiha ni Jesus ang iyang anak.​—Mateo 15:22-28.

11. Sumala sa giilustrar sa hitabo nga nalangkit si Jesus, unsay tinamdan sa mga Hudiyo ug sa mga Samarianhon sa usa ug usa?

¹¹ Palandonga usab ang engkuwentro ni Jesus sa pila ka mga Samarianhon. Nagdinumtanay ang mga Hudiyo ug mga Samarianhon. Sa usa ka okasyon, nagpadala si Jesus ug mga mensahero aron sa pagpangandam alang kaniya diha sa usa ka balangay sa Samaria. Apan “midumili sa pagdawat kaniya ang mga Samarianhon, tungod kay nagtinguha man siya sa pag-adto sa Jerusalem.” Nasuko niini si Santiago ug si Juan hangtod sa punto nga gusto nilang pakanaogon ang kalayo gikan sa langit ug sa paglaglag kanila. Apan gibadlong ni Jesus ang duha ka disipulo, ug silang tanan miadto sa laing balangay.​—Lucas 9:51-56.

12. Nganong nakurat ang usa ka babayeng Samarianhon sa hangyo ni Jesus?

¹² May sama bang pagbati sa pagdumot si Jesus nga naglungtad tali sa mga Hudiyo ug sa mga Samrianhon? Buweno, matikdi kon unsay nahitabo diha sa laing okasyon. Si Jesus ug ang iyang mga disipulo nagpaingon gikan sa Judea ngadto sa Galilea ug kinahanglang moagi sa Samaria. Gikapoy tungod sa panaw, milingkod si Jesus a daplin sa atabay ni Jacob aron sa pagpahulay sa makadiyot samtang ang iyang mga disipulo imadto sa siyudad a Sicar aron sa pagpalit ug makaon. Kasamtangan, dihay miabot nga babayeng Samrianhon aron sa pagkuhag tubig. Karon, sa laing okasyon giklasipikar ni Jesus ang mga Samarianhon nga “gikan sa laing rasa.” (Lucas 17:16-18, The Kingdom Interlinear Translation of the Greek Scriptures) Apan siya miingon kaniya: “Paimna ra ako.” Sanglit walay pakiglabot ang mga Hudiyo sa mga Samarianhon, ang natingalang babaye mitubag: “Naunsa ba nga ikaw nga usa ka Hudiyo mihangyo man nga paimnon ko nga usa ka babayeng Samarianhon?”​—Juan 4:1-9.

13. (a) Unsay tubag ni Jesus sa pagtutol sa babayeng Samarianhon, ug unsa ang iyang reaksiyon? (b) Unsa ang resulta?

¹³ Apan wala tagda ni Jesus ang pagututol sa babaye. Hinunoa, iyang gipahimudsan ang higayon sa pagpamatuod kaniya, bisan sa pagpaila nga siya mao ang Mesiyas! (Juan 4:10-26) Gibiyaan sa natingalang babaye ang iyang tadyaw diha sa atabay, mibalik sa siyudad, ug misugod sa pagsulti ngadto sa uban sa nahitabo. Bisan pa nga imoral siya nga pagkababaye, iyang gipakita ang iyang interes sa espirituwal nga mga butang pinaagi sa pag-ingon: “Mao ba kaha kini ang Kristo?” Unsa ang resulta? Daghan sa lokal nga mga tawo mituo kang Jesus tungod sa maayong pamatuod nga gihatag sa babaye. (Juan 4:27-42) Makaikag, diha sa iyang librong A Biblical Perspective on the Race Problem, ang Kongregasyonal nga teologong si Thomas O. Figart mikomento niini: “Kon gituohan sa atong Ginoo nga bililhon ang pagbag-o sa sayop nga tradisyon sa rasa ug mabination buhat, nan angay mag-amping kita nga dili kita madala sa agos sa pagpihig sa rasa karon.”

14. Unsay pamatuod ang makita sa pagkawalay pinalabi ni Jehova sa panahon sa ministeryo ni Filipe nga Ebanghelista?

¹⁴ Ang pagkawalay-pinalabi ni Jehova nga Diyos nakatugot sa mga tawo sa nagkalainlaing mga rasa sa pagkahimong Hudiyohanong mga kinabig. Palandonga uasb ang nahitabo sa miaging ika-19ng siglo diha sa awaaw nga dalan taliwala sa Jerusalem ug sa Gaza. Usa ka tawong itom nga nag-alagad sa rayna sa Etiopia nagsakay sa iyang karwahi samtang nagbasa sa tagna ni Isaias. Kining maong opisyal maoy usa ka sirkunsadong kinabig, kay “miadto siya sa Jerusalem sa pagsimba didto.” Mipakita ang manulonda ni Jehova sa usa ka Hudiyohanonng ebanghelistang si Felipe ug gisultihan siya: “Dumuol ka kuyog sa karwahi.” Miingon ba si Felipe: “Dili ko! Kay usa siya ka tawo nga lain ug rasa”? Wala gayod! Gani nalipay si Felipe sa pagdawat sa pagdapit sa Etiopianhon sa pagsakay sa karwahi, sa paglingkod tapad kaniya, ug sa pagpatin-aw sa tagna ni Isaias bahin kang Jesu-Kristo! Sa dihang nakaabot sila sa usa ka linaw nga tubig, ang Etiopianhon nangutana: “Unsa pa may nakaulang sa akong pagpabawtismo?” Sanglit wala may nakaulang niini, malipayong gibawtismohan ni Felipe ang Etiopianhon, ug gidawat ni Jehova kanang malipayong gibawtismohan ni Felipe ang Etiopianhon, ug gidawat ni Jehova kanang malipayong tawo ingong dinihogang sumusunod sa Iyang walay pinalabing Anak, si Jesu-Kristo. (Buhat 8:26-39) Apan dugang ebidensiya sa pagkawalay-pinalabi sa Diyos ang makita pagkahuman niini.

Usa ka Dakong Kausaban

15. Unsay kausaban ang nahitabo human nga namatay si Jesus, ug sa unsang paagi gipatin-aw kini ni Pablo?

¹⁵ Ang kamatayon ni Kristo wala makawala sa kalibotanong pagpihig sa rasa. Apan pinaagi niadtong sinakripisyong kamatayon, giusab sa Diyos ang relasyon sa Hudyohanong mga disipulo ni Jesus ngadto sa iyang Hentil nga mga sumusunod. Gipahayag kini ni apostol Pablo sa dihang misulat siya sa mga Kristohanong Hentil sa Efeso, ug miingon: “Hinumdomi ninyo nga niadtong panahona mga tawo kamo sa kanasoran sa lawas; . . . nga dihay panahon nga kamo walay kalabotan kang Kristo, nahigawas sa katilingban sa Israel ug mga dumuloong sa mga pakigsaad, ug kamo walay paglaom ug walay Diyos dinhi sa kalibotan. Apan karon pinaagi kang Kristo Jesus kmo nga kaniadto nahilayo napaduol pinaagi sa dugo ni Kristo. Kay siya mao ang atong kadaitan, nga nag-usa sa duruha ug miguba sa nag-ulang nga bungbong nga nakaali kanila.” Kanang maong “bungbong,” o simbolo sa pagkabulag, mao ang kahikayan sa pakigsaad sa Kasugoan nga nagalihok ingong ali tali sa mga Hudiyo ug sa mga Hentil. Giwagtang kadto pinaagi sa kamatayon ni Kristo aron nga pinaagi kaniya ang mga Hudiyo ug ang mga Hentil “makaduol sa Amahan pinaagi sa usa ka espiritu.”​—Efeso 2:11-18.

16. (a) Nganong gihatagan si Pedro ug mga yawi sa Gingharian? (b) Pila ka yawi kadto, ug unsay misangpot sa paggamit niini?

¹⁶ Dugang pa, gihatagan si apostol Pedro sa “mga yawi sa gingharian sa mga langit” aron ang mga tawo sa tanang rasa makakat-on sa mga katuyoan sa Diyos, mahimong “gipanganak pag-usab” gikan sa balaang espiritu, ug mahimong espirituwal nga mga manununod uban kang Kristo. (Mateo 16:19; Juan 3:1-8) Si Pedro migamit ug tulo ka simbolikong mga yawi. Ang una maoy alang sa mga Hudiyo, ang ikaduha alang s mga Samarianhon, ug ang ikatulo alang sa mga Hentil. (Buhat 2:14-42; 8:14-17; 10:24-28, 42-48) Busa ang walay pinalabi nga Diyos, si Jehova, nagbukas alang sa mga pinili sa tanang mga rasa sa pribilehiyo sa pagkahimong espirituwal nga mga igsoon ug kauban mga manununod sa Gingharian.​—Roma 8:16, 17; 1 Pedro 2:9, 10.

17. (a) Unsang talagsaong panan-awon ang gihatag kang Pedro, ug ngano? (b) Kang kinsa nga balay gidala sa mga lalaki si Pedro, ug kinsa ang naghulat kaniya didto? (c) Bahin sa unsa gipahinumdoman ni Pedro kadtong mga Hentil, ug unsa ang dayag nga gitudlo kaniya sa Diyos?

¹⁷ Aron maandam si Pedro sa paggamit sa ikatulong yawi​—alang sa mga Hentil—​siya gihatagan ug tagsaong panan-awon sa mahugawng mga mananap ug gisugo: “Tindog, Pedro, pag-ihaw ug kumaon!” Ang pagtulon-an mao: “Ayaw nag tawgang mahugaw ang mga butang nga nahinloan na sa Diyos.” (Buhat 10:9-16) Naglibog kaayo si Pedro sa kahulogan sa panan-awon. Apan sa ulahi miabot ang tulo ka lalaki sa pagdala kaniya ngadto sa balay ni Cornelio, ng opisyal sa kasundalong Romanhon nga naasyan sa Cesaria. Sanglit kadtong siyudara mao man ang pangunang hedkuwarter sa mga sundalong Romanhon sa Judea, siyempre mao kadto ang tukmang dapit nga puy-an ni Cornelio. Naghulat kang Pedro diha nianang Hentil nga lugar mao si Cornelio, uban sa iyang mga paryente ug suod nga mga higala. Gipahinumdoman sila sa apostol: “Kamo nasayod nga supak sa kasugoan alang sa usa ka Hudiyo ang pagpakigharong o pagduol sa usa ka tawo sa laing rasa; apan gipakita kanako sa Diyos nga kinahanglang walay tawo nga tqawgon kong mahugaw. Busa ako mianhi sa walay pag-ukon-ukon, sa pagpakakuha mo kanako.”​—Buhat 10:17-29.

18. (a) Unsang halandomong pahibalo ang gipahayag ni Pedro kang Cornelio ug sa iyang mga dinapit? (b) Samtang nagpamatuod si Pedro bahin kang Jesus, unsang dramatikanhong butang ang nahitabo? (c) Unsang lakang ang gihimo may kalabotan sa magtutuong mga Hentil?

¹⁸ Human nga gipatin-aw ni Cornelio ang pagtultol sa Diyos sa maong mga butang, si Pedro miingon: “Sa pagkatinuod naila ko nga ang Diyos walay pinalabi, hinunoa nga sa matag usa ka nasod iyang pagakahimut-an ang bisan kinsa nga nagakahadlok kaniya ug nagabuhat sa pagkamatarong.” (Buhat 10:30-35) Dayon, samtang mipadayon ang apostol sa pagpamatuod mahitungod kang Jesu-Kristo, usa ka dramatikanhong butang ang nahitabo! “Samtang si Pedro nagsulti pa niining mga butanga ang balaang espiritu mikunsad diha sa tanan nga nakadungog sa pulong.” Ang mga kauban ni Pedro nga Hudiyohanon “nahibulong, nga ang gasa sa balaang espiritu gibubo man usab diay sa mga tawo sa mga nasod. Kay sila nakabati man kanila nga nagsultig laing pinulongan ug naghimaya sa Diyos.” Si Pedro mitubag: “Aduna bay makasanta sa tubig aron dili kabawtismohan sila nga nanagpakadawat sa balaang espiritu sama kanato?” Kinsay makatutol, sanglit ang balaang espiritu sa walay pinalabi nga Diyos sa langit gibubo man diha sa nanagpanuong mga Hentil? Busa, si Pedro misugo nga sila “bawtismohan pinaagi sa ngalan ni Jesu-Kristo.”​—Buhat 10:36-48.

“Gikan sa Tanang Kanasoran”

19. Unsang rasanhong pagdumot ang nagadugang, ug sa unsang sukod?

¹⁹ Kita karon ania na sa “kataposang mga adlaw,” ug sa “kritikal nga panahon nga malisod sagubangon” nga mao ang kamatuoran sa kinabuhi. Lakip sa ubang mga butang, ang mga tawo nga mahigugmaon sa ilang kaugalingon, tigpagawal, hambogiro, walay kinaiyanhong pagbati, dili malokmay, walay pagpugong sa kaugalingon, mabangis, gahig-ulo, ug tigpaburot. (2 Timoteo 3:1-5) Niining matanga sa kahimtang sa katilingban, dili ikahibulong nga ang pagdumot sa rasa ug pag-awayay nagadugang sa tibuok-kalibotan. Diha sa kadaghanang nasod, ang mga tawo sa laing mga rasa o mga kolor nagatamay kun nagadumot sa usa ug usa. Mitultol kinig aktuwal nga panag-away ug bisan makalilisang nga mga kabangisan diha sa pila ka nasod. Bisan diha sa gitawag nga nadan-agang mga katilingban, daghang mga tawo naglisod pagbuntog sa pagpihig sa rasa. Ug kini nga “sakit” daw mikaylap ngadto sa mga dapit nga wala nimo damha, sama sa mga isla sa dagat nga niadto tilinguhaon ang ilang pagkamalinawon.

20. (a) Unsang dinasig nga panan-awon ang nakita ni Juan? (b) Sa unsang sukod nga natuman kining matagnaong panan-awon? (c) Unsang problema nga naglisod pa ang pipila sa pagbuntog sa bug-os, ug asa sila angay mangitag sulbad?

²⁰ Apan, bisan pa sa kakulang sa pag-uyonay sa rasa diha sa nagkalainlaing bahin sa kalibotan, ang walay pinalabi nga Diyos, si Jehova, nagtagna sa pag-agak sa matinud-anon ug kasingkasing nga mga tawo sa tanang rasa ug mga nasod ngadto sa talagsaong internasyonal nga panaghiusa. Pinaagi sa pagdasig sa Diyos, nakita ni apostol Juan ang “usa ka dakong panon, nga dili maihap, sa mga tawo nga gikan sa tanang nasod, rasa, tribo ug pinulongan; sila nagabarog sa atubangan sa trono ug sa atubangan sa Kordero,” nagadayeg kang Jehova. (Pinadayag 7:9, The Jerusalem Bible) Kining tagnaa nagakatuman na. Karong adlawa, diha sa 210 ka nasod kapin sa 3,300,000 ka mga saksi ni Jehova, sa tanang mga nasod ug mga rasa, nagatagamtam sa panaghiusa ug pag-uyonay sa rasa. Apan dili sila hingpit. Bisan ang pila kanila maglisod sa bug-os nga pagbuntog sa pagpihig sa rasa, bisan pa nga wala lang sila makamatikod niini. Sa unsang paagi kining problemaha mabuntog? Atong hisgotan kining butanga sa sunod artikulo, binase sa makatabang nga tambag gikan sa dinasig nga Pulong sa walay pinalabi nga Diyos, si Jehova.

Alagara si Jehova Uban sa Panag-uyon sa Tanan

“Unya ulian ko ang katawhan sa putli nga pinulongan, aron silang tanan magtawag sa ngalan ni Jehova, as pag-alagad kaniya uban sa panag-uyon sa tanan.”​—SOFONIAS 3:9, American Standard Version.

1, 2. (a) Unsang tagna karon ang ginapatuman ni Jehova? (b) Kining tagnaa nakabangon ug unsang mga pangutana?

SI Jehova nga Diyos nagabuhat ug usa ka butang karon nga dili gayod mahimo sa mga tawo. Duolan sa 3,000 ka pinulongan ang ginasulti niining nabahing kalibotan, apan ang Diyos karong adlawa nagapatuman niining tagnaa: “Akong ulian ang katawhan sa putli nga pinulongan, aron silang tanan magtawag sa ngalan ni Jehova, sa pag-alagad kaniya nga abaga sa abaga.”​—Sofonias 3:9.

² Unsa kining “putling pinulongan”? Kinsa ang nagasulti niana? Ug unsay kahulogan sa ‘pag-alagad sa Diyos nga abaga sa abaga’?

Sila Nagasulti sa “Putli nga Pinulongan”

3. Unsa ang “putli nga pinulongan,” ug nganong kadtong nagasulti niini wala mabahin?

³ Sa adlaw sa Pentekostes sa 33 K.P., ang balaang espiritu sa Diyos gibubo diha sa mga disipulo ni Jesu-Kristo, naghatag kanilag gahom sa pagsulti sa mga pinulongan nga wala sila tun-i. Kini ang nakahimo kanila sa pagsulti sa mga tawo sa daghang mga pinulongan “bahin sa gamhanang mga butang sa Diyos.” Busa si Jehova misugod sa pag-agak sa mga tawo sa tanang etnikong mga kagikan diha sa panaghiusa. (Buhat 2:1-21, 37-42) Sa dihang ang magtutuong mga Hentil sa ulahi nahimong mga sumusunod ni Jesus, ang mga alagad sa Diyos sa pagkatinuod maoy katawhan nga daghang-pinulongan, daghang rasa. Apan, wala gayod sila mabahin sa mga babag sa kalibotan, tungod kay silang tanan nagasulti sa “putli nga pinulongan.” Mao kini ang mutuwal nga pinulongan sa kamatuoran sa Kasulatan nga gitagna diha sa Sofonias 3:9. (Efeso 4:25) Kadtong nagasulti sa “putli nga pinulongan” wala mabahin apan “nagasulti nga may panaghiusa,” nga “hingpit diha sa mao rang panghunahuna ug sa mao rang hunahuna.”​—1 Corinto 1:10.

4. Sa unsang paagi gipunting sa Sofonias 3:9 ang aghang-pinulongan ug daghang rasa gna pagtinabangay, ug asa kini makaplagan karong adlawa?

⁴ Ang “putli nga pinulongan” nakahimo sa mga tawo sa tanang mga nasod ug sa mga rasa sa pag-alagad kang Jehova nga “abaga sa abaga,” sa literal, ‘uban sa usa ka abaga.’ Sila nagaalagad sa Diyos “uban sa panag-uyon sa tanan” (The New English Bible); “inuyonan sa tanan” (The New American Bible); o “nagkausa sa hunahuna ug sa tibuok nga abaga” (The Amplified Bible) Laing bersiyon mabasa: “Unya himoon ko ang mga ngabil sa tanang mga tawo nga mahinlo, aron nga sila motawag sa ngalan ni Jehova ug motabang sa iyang pag-alagad.” (Byington) Ang maong daghang pinulongan ug daghang rasa nga kooperasyon sa pag-alagad sa Diyos makaplagan lamang taliwala sa mga Saksi ni Jehova.

5. Sa unsa gigamit sa mga Saksi ni Jehova ang tawhanong pinulongan?

⁵ Sanglit ang tanang mga Saksi ni Jehova nagasulti man sa “putli nga pinulongan” sa kamatuoran sa Kasulatan, sila nakahimo sa paggamit sa bisan unsang pinulongan sa tawo sa labing dungganong paggamit​—pagdayeg sa Diyos ug sa pagpahayag sa maayong balita sa Gingharian. (Marcos 13:10; Tito 2:7, 8; Hebreo 13:15) Pagkamaayo nga ang “putli nga pinulongan” nakahimo sa mga tawo sa tanang etnikong mga grupo sa pag-alagad uban sa panag-uyon sa tanan!

6. Sa unsang paagi gilantaw ni Jehova ang mga tawo apan unsay makatabang kon may pagpihig gihapon diha sa kasingkasing sa usa ka Kristohanon?

⁶ Sa dihang nagpamatuod si Pedro kang Cornelio ug sa ubang mga Hentil, siya miingon: “Sa pagkatinuod naila ko nga ang Diyos walay pinalabi, hinunoa nga sa matag usa ka nasod iyang pagakahimut-an ang bisan kinsa nga nagakahadlok kaniya ug nagabuhat sa pagkamatarong.” (Buhat 10:34, 35, By) Sumala sa ubang mga bersiyon, si Jehova “dili Tigtan-aw ug tawo,” “dili mapihigon ug tawo,” ug “walay paboratismo.” (The Emphatic Diaglott; Phillips; New International Version) INgong mga alagad ni Jehova, angay natong lantawon ang mga tawo sa tanang rasa sama sa iyang paglantaw. Apan komosta kon mapihigon gihapon ang kasingkasing sa usa ka Kristohanon? Nan makatabang ang pagtagad sa pagkiglabot sa iyang mga alagad sa atanang nasod, tribo, katawhan, ug pinulongan.​—Tan-awa usab ang Pagmata! sa Nobyembre 8, 1984, panid 3-11.

Sila Bililhon

7. Mahitungod sa relasyon uban sa Diyos, sa unsang paagi ang usa ka Kristohanon walay kalainan gikan sa bisan unsang nasod o rasa?

⁷ Kon usa ikaw ka bawtismadong saksi ni Jehova, tingali sa usa ka higayon ikaw ‘nanghupaw ug nag-agulo sa dulumtanang mga butang’ nga nagakahitabo niining daotang sistema. (Ezekiel 9:4) Ikaw ‘patay sa imong mga kalapasan,’ apan maluloy-ong giagak ka sa Diyos ngadto kaniya pinaagi ni Jesu-Kristo. (Efeso 2:1-5; Juan 6:44) Niining bahina, ikaw walay kalainan sa uban nga karon kauban na nimong mga magtutuo. Sila usab nabalaka sa pagkadaotan, nga niadto ‘patay sa ilang mg kalapasan,’ ug nahimong mga dumadawat sa kaluoy sa Diyos pinaagi ni Jesu-Kristo. Ug bisan unsa pay atong rasa o nasyonalidad, pinaagi lamang sa pagtuo nga ang bisan kinsa kanato karon may baroganan uban kan Jehova nga Diyos ingong iyang mga saksi.​—Roma 11:20.

8. Sa unsang paagi natuman karon ang Haggeo 2:7?

⁸ Ang matagnaong mga pulong sa Haggeo 2:7 makatabang kanato kon unsaon sa paglantaw sa kaubang mga magtutuo nga lahi ug mga nasyonalidad. Didto si Jehova miingon: “Uyogon ko ang tanang mga nasod, ug ang mga bililhong butang sa tanang mga nasod moabot; ug kining balaya pun-on ko sa himaya.” Kining gitagnan pagtuboy sa putling relihiyon nagakahitabo na diha sa tinuod nga templo sa Diyos, ang dapit sa iyang pagsimba. (Juan 4:23, 24) Apan kinsa “ang bililhong butang sa tanang mga nasod”? Sila mao ang libolibong mga mahigugmaon sa pagkamatarong nga may maayong pagsanong sa buluhaton sa pagwali sa Gingharian. Gikan sa tanang mga nasod ug mga rasa, sila nagaganayan ngadto sa ‘bukid sa balay ni Jehova,’ nahimong iyang bawtismadong mga saksi ug bahin sa internasyonal nga “dakong panon.” (Isaias 2:2-4; Pinadayag 7:9) Kadtong nagadayeg kang Jehova ingong bahin sa iyang yutan-ong organisasyon maoy mahinlo, maayog moral, diyosnong mga tawo​—tinuod gayod nga bililhon. Nan, ang tanang tinuod nga Kristohanon magpakitag inigsoong gugma sa tanan niining mga bililhon nga gidawat sa atong mutuwal nga Amahan sa langit.

Ang Ilang Personalidad Bag-o!

9. Bisan kon sa miagi dili maayo ang atong paglantaw sa mga langyaw, nganong kinahanglang lahi na karon nga nahimo na kitang mga Kristohanon?

⁹ Ang atong espirituwal nga mga igsoong lalaki ug abaye sa tibuok kalibotan bililhon usab tungod ky namati sila sa tambag sa ‘paghukas sa daang personalidad ug ang mga batasan niini u nagasul-ob sa bag-ong personalidad.’ “Pinaagi sa tukmang kahibalo [kini] ginabag-o sibo sa dagway sa Usa nga nagbuhat niini, nga diin dili ang Gresyanhon o Hudiyo, may sirkunsisyon o walay sirkunsisyon, dumoloong, Sityanhon, ulipon, o gawas, kondili si Kristo mao ang tanan ug anaa sa tanan.” (Colosas 3:9-11) Kon ang usa ka inidibiduwal dili maayog pagtamod sa Hudiyo, sa Grego, o sa uban nga langyaw alang kaniya, ang mga butang angay nga lahi na karon nga siya usa na ka Kristohanon. Bisan unsa pay rasa, nasyonalidad, o kultura, ugmaron ug ipasundayag niadtong nagabaton sa “bag-ong personalidad” ang bunga sa balaang espiritu sa Diyos​—gugma, kalipay, kalinaw, pagpailob, kalulot, pagkamaayo, pagtuo, kalumo, ug pagpugong sa kaugalingon. (Galacia 5:22, 23) Kini ang makapasuod kanila sa kaubang mga magsisimba ni Jehova.

10. Kon matintal kita sa paghimog pangatibuk-ang pagpanaway sa kaubang mga magtutuo sa bisan unsang rasa o nasod, sa unsang paagi ang Tito 1:5-12 makatabang kanato?

¹⁰ Dili sama sa mga alagad ni Jehova, ang ubang ma tawo sa kaliotan manaway sa mga tawo nga lahig etnikong mga kagikan gawas sa ilaha. Ngani, mahitunogod sa iyang kaugalingon katawhan, ang usa ka taga Creta nga propeta niadto miingon: Ang mga Cretanhon kanunay gayong bakakon, mga mananap nga daotan, walay trabahong mga ulitan”! Nakahinumdom si apostol Pablo niadtong mga pulonga sa dihang kinahanglan nga pahilumon ang mini nga mga magtutudlo aliwala sa mga Kristohanon diha sa isla sa Creta. Apan wala gayod mag-ingon si Pablo: ‘Ang tanang mga Kristohanong taga Creta bakakon ug daotan, tapolan ug mga ulitan.’ (Tito 1:5-12) Dili, kay ang mga Kristohanon dili manaway sa uban. Dugang pa, ang kadaghanan niadtong mga Kristohanong taga-Creta nagsul-ob na sa “bag-ong personalidad“ ug ang uban sa espirituwal kauwalipikado nga gitudlo ingong mga ansiano. Kini angay hatagan ug seryosong pagpalandong kon matintal kita sa paghimog pangatibuk-ang mga pulong sa pagyubit sa atong espirituwal nga mga igsoon lalaki ug babaye sa usa ka partikular nga rasa o nasyonalidad.

Isipa ang Uban nga Mas Labaw

11. Kon may pagpihig sa bisan unsang matang diha sa Kristohanong kasingkasing, unsay iyang buhaton?

¹¹ Sa laing bahin, kon mapihigon ang Kristohanon sa usa ka rasa o nasyonalidad, tingali iyang ipakita kini pinaagi sa mga pulong o sa mga buhat. Sa baylo, mopahinabo kinig samdang mga pagbati, ilabina diha sa kongregasyon nga gilangkoban sa mga tawo sa nagkalainlain ug etnikong mga kagikan. Siyempre, walay Kristohanon nga mohatag ug kadaot sa panaghiusa sa katawhan sa Diyos. (Salmo 133:1-3) Busa kon naglungtad kining pagpihig diha sa kasingkasing sa usa ka Kristohanon, maayong mag-ampo siya: “Susiha ako, Oh Diyos, ug hibaloi ang akong kasingkasing. Sulayi ako, ug hialoi ang akong makatugaw nga mga hunahuna, ug tan-awa kong kanako aduna bay dalan sa pagkadaotan, ug tultoli ako sa dalan nga walay kataposan.”​—Salmo 139:23, 24.

12. Nganong dili kita angay magpasgarbo sa tong kaugalingon o sa uban sa atong etnikong kagikan?

¹² Maayong huptan ang realistikanhong hunahuna nga kitang tanan maoy mga tawong dili-hingpit nga wala untay maayong baroganan sa Diyos kon dili pa sa halad ni Jesu-Kristo. (1 Juan 1:8–2:2) Nan, unsay nakapalahai kanato sa uban? Sanglit kita wala may butang nga wala nato madawat, nganong ipasigarbo man nato o sa uban ang atong etnikong kagikan!​—Itandi sa 1 Corinto 4:6, 7.

13. Sa unsang paagi makaamot kita sa panaghiusa sa kongregasyon, ug unsay makat-onan gikan sa Filipos 2:1-11?

¹³ Makaamot kita sa panaghiusa sa kongregasyon kon atong dawaton ug magpakitag apresasyon sa maayong mga hiyas sa uban. Ang Hudiyohanong apostol Pablo mihatag kanatong tanan ug butang nga angay palandongon sa dihang iyang gisultihan ang mga Hentil nga taga Filipos: “Hingpita ninyo ang akong kalipay pinaagi sa inyong samang hunahuna ug sa pagbaton sa samang gugma, nga giusadiha sa kalag, nga nagabaton sa usa ra ka hunahuna, dili magbuhat ug bisan unsa sa tuyo sa pagbahinbahin o sa pagpagarbo sa kaugalingon, hinunoa uban sa pagpaubos isipa ang uban ingon nga mas labaw kanimo.” Ang hustong tinamdan alang kanato nga ipakita sa isigkatawo sa bisan unsang rasa o nasyonalidad makita diha kang Jesu-Kristo. Bisag usa siya ka gamhanang espiritu nga linalang, siya “nahimong sama sa tawo” ug nagpaubos sa iyang kaugalingon hangtod sa punto sa pagkamatay diha sa kahoy sa pagsakit alang sa makasasalang mga tawo sa tanang rasa ug nasod. (Filipos 2:1-11) Ingong mga sumusunod ni Jesus, nan, dili ba angay magmahigugmaon, magmapainubsanon, ug magmaluloy-on kita, ilhon ang uban nga mas labaw kanato?

Pamati ug Paniid

14. Sa unsang paagi matabangan kita sa pag-isip sa uban nga mas labaw kanato?

¹⁴ Matabangan kita sa paglantaw sa uban nga mas labaw kanato kon mamati gayod kita sa dihang mosulti sila ug panid-an pag-ayo ang ilang batasan. Pananglitan, tingali, kinasingkasing natong admitihon sa atong kaugalingon nga ang usa ka kaubang ansiano​—tingali sa laing rasa—​nakalabaw kanato sa katakos sa paghatag epektibong tambag diha sa Teokratikong Ministeryong Tunghaan. Tingali nakamatikod kita nga ang iyang espirituwalidad, dili ang iyang linitokan o paagi sa pagsulti, ang nakahimo kaniya sa pagbaton ug maayong mga resulta sa pagtabang sa kaubang mga magtutuo nga mahimong batid nga mga magwawali sa Gingharian. Ug dayag nga gipanalanginan ni Jehova ang iyang mga paningkamot.

15. Unsay atong mamatikdan sa dihang mamati kita sa mga pahayag sa kaubang mga magsisimba?

¹⁵ Sa dihang makigsulti kita sa atong mga igsoong lalaki ug babaye o mamati sa ilang mga komento diha sa mga tigom, tingali makaalinggat kita nga ang pila kanila mas maayog pagsabot sa pila ka kamautoran sa Kasulatan kay kanato. Tingali nakamatikod kita nga ang ilang inigsoong gugma daw mas lig-on, sila daw may dugang paguto, o kaha nagapakita sila nga mas dako ang ilang pagsalig kang Jehova. Busa kon sila man sama kanatog etnikong kagikan o dili, sila nagadasig kanato sa paghigugma ug sa maayong mga binuhatan, nagatabang sa paglig-on sa atong pagtuo, ug mopalihok kanato sa dugang pagsalig sa atong langitnong Amahan. (Proverbio 3:5, 6; Hebreohanon 10:24, 25, 39) Si Jehova sa dayag suod kanila, ug angay nga kita usab.​—Itandi ang Santiago 4:8.

Gipanalanginan ug Gipalig-on

16, 17. Iilustrar ang kamatuoran nga walay pagpalabi si Jehova sa pagpanalangin sa iyang nga alagad sa bisan unsang nasyonalidad o rasa.

¹⁶ Si Jehova walay pinalabi sa pagpanalangin sa iyang mga alagad sa bisan unsang rasa o nasyonalidad. Pananglitan, palandonga ang nasod sa Brazil. Dili gikan sa langyawng mga misyonero kondili gikan sa mga ngabil sa walo ka taga Brazil nga mga sakayanon nga ang mga tawo sa Brazil unang nakadungog sa balita sa Gingharian sa mga tuig 1920. Ang panalangin sa Diyos dayag, kay sa tuig sa pag-alagad sa 1987, dihay kinatas-ang 216,216 ka mga magmamantala sa Gingharian nianang yutaa nga may 141,302,000 ka molupyo​—sa proporsiyon nga usa ka magamamantala sa 654.

¹⁷ Palandonga ang laing pananglitan sa panalangin sa Diyos. Sa Abril 1923 duha ka itom nga saksi ni Jehova gikan sa isla sa Trinidad sa Caribeano gipadala aron sa pagsangyaw sa balita sa Gingharian sa Kasadpang Aprika. Busa si Brother ug Sister W. R. Brown ang nag-alagad dito sa daghang mga tuig, si Brother Brown nailhang “Bible Brown.” Sila ang “nagtanom” ug ang “Diyos ang nagapatubo niini” sama as uban nga nagtrabaho usab nianang dakong lugar. (1 Corinto 3:5-9) Karon adlawa, ang mga magmamantala sa Gingharian may gidaghanong kapin sa 32,600 sa Ghana ug kapin sa 133,800 sa Nigeria lamang.

18, 19. Paghatag ug mga pananglitan kon sa unsang paagi ang atong walay pinalabing Diyos nagalig-on sa iyang mga alagad sa tanang mga rasa ug mga nasod.

¹⁸ Wala lamang panalangini ni Jehova ang iyang mga alagad sa tanang mga nasod ug mga rasa kondili nagalig-on usab kanila. Pananglitan, tagda ang kaso sa duha ka Hapones nga mga saksi ni Jehova. Sa Hunyo 21, 1939, si Katsuo Miura ug ang iyang asawa dili makataronganong gidakop, gibilanggo, ug nabulag gikan sa ilang singko anyos nga batang lalaki, nga giatiman sa iyang apohang babaye. Gipagawas si Sister Miura sa milabay ang walo ka bulan, apan si Brother Miura nabilanggo gihapon kapin sa duha ka tuig sa wala pa siya husaya sa korte. Nag-antos siya sa pagdagmal, nakaplagang sad-an, ug nakadawat ug lima ka tuig nga sentensiya. Diha sa bilanggoan sa Hiroshima, gilig-on siya sa Diyos pinaagi sa Kasulatan, nga nakahatag walay-pagkapakyas nga paglipay ug kalig-on. Pinaagi sa daw milagro, naluwas si Brother Miura sa Agosto 6, 1945, sa dihang nagun-ob sa pagbuto sa bomba atomika ang iyang bilanggoan. Sa milabay ang duha ka bulan, nagkauli sila sa iyang aawa ug anak sa amihanan sa Japan.

¹⁹ Sa panahon sa Gubat sa Kalibotan II grabeng paglutos ang naagian sa mga Saksi ni Jehova sa daghang mga nasod. Pangnglitan, si Robert A. Winkler maoy usa sa igsoong Aleman nga nag-antos sa kampong konsentrasyon sa Nazi sa Alemanya ug sa Netherlands. Sanglit dili man siya makabudhi sa iyang kaubang mga Saksi, mapintas nga gikulata siya nga gumikan niana dili na gayod siya mailhan. Apan siya misulat: “Ang mga hunahuna sa mga saad ni Jehova sa pagtabang sa usa diha sa tanang matang sa kasamok nakahatag kanakog paglipay ug kalig-on sa pag-antos niining tanan. . . . Sa Sabado gikulata ako sa Gestapo ug sa pagkasunod Lunes gisukitsukit nila ako pag-usab. Unsay mahitabo karon ug unsay akong buhaton? Midangop ako kang Jehova diha sa pag-ampo, masaligon sa iyang mga saad. Nahibalo ak nga nagkahulogan kini sa paggamit ug teokratikanhong estratehiya sa gubat alang sa buluhaton sa Gigharian ug sa pagpanalipod sa akong Kristohanong mga igsoon. Dako kaayong pagsulay kadto kanako nga antuson ug sa milabay ang napulog pito ka adlaw bug-os nga wala na akoy umoy, apan nagpasalamat ako kang Jehova nga pinaagi sa iyang kusog nakahimo ako sa pag-antos niining pagsulaya ug nakapibilin sa akong integridad.”​—Salmo 18:35; 55:22; 94:18.

Mapasalamaton sa Atong Pang-igsoonay

20. Sa unsang paagi ang atong pagtahod alang sa atong kaubang mga magtutuo sa tanang rasa ug nasod mapalambo?

²⁰ Sa tino, gipanalanginan ug gilig-on ni Jehova ang iyang mga saksi sa tanang nasod ug rasa. Siya walay pinalabi, ug ingong iyang dedikadong mga alagad, kita walay kipasangil o katarongan sa pagpakitag pagpihig. Dugang pa, ang atong pagtahod sa atong mga igsoong lalaki ug igsoong babaye sa tanang rasa ug nasod molambo pa kon magpalandong kitag mga paagi nga diin sila mas labaw kanato. Ilang gipadapat usab ang langitnong kaalam, nga dili mapihigon kondili nagahatag maayong bunga. (Santiago 3:13-18) Oo, ug ang ilang kalulot, pagkamahinatagon, gugma, ug ubang diyosnong mga hiyas nagahatag kanatog maayong mga pananglitan.

21. Determinado kita sa pagbuhat ug unsa?

²¹ Nan, angay nga magpasalamat gayod kita sa atong daghang-rasa, daghang nasod nga panag-igsoonay! Uban sa tabang ug panalangin sa atong langitnong Amahan, kita “mag-alagad kaniya nga abaga sa abaga” diha sa inigsoong gugma ug mutuwal nga pagtahod. Sa pagkatinuod, maoy atong tim-os nga tinguha ug malig-ong determinasyon sa pag-alagad kang Jehova uban sa panag-uyon sa tanan.