ESPANYA

Usa ka nasod nga nahimutang sa Peninsula sa Iberia sa HK sa Uropa. Human makaduaw sa Romanong mga Kristohanon, si apostol Pablo naglaom nga pagikanon ngadto sa Espanya sa iyang mga isigkamagtutuo sa Roma. (Rom 15:​23, 24, 28) Dili tino kon nakaabot ba gayod ang apostol sa Espanya. Apan, si Clemente sa Roma nag-ingon (mga 95 K.P.) nga si Pablo nakaabot “sa kinatumyan sa kasadpan,” nga lagmit naglakip sa Espanya. (The Ante-Nicene Fathers, Tomo I, p. 6, “The First Epistle of Clement to the Corinthians,” kap. V) Kon nakaabot siya sa maong yuta, ang pagduaw lagmit nahitabo tali sa pagpagula kang Pablo gikan sa iyang unang pagkabilanggo sa Roma (mga 61 K.P.) ug sa iyang pagkabilanggo pag-usab didto niadtong mga 65 K.P. Sa maong panahon ang Espanya nailalom sa pagmando sa Roma. Gituohan sa uban nga ang Tarsis mao ang habagatang bahin sa Espanya.​—Tan-awa ang TARSIS Num. 4.