“Wala Mi Moundang”

4:16-18

Handurawa nga naay duha ka pamilya nga nagpuyo sa karaan ug gubaon nga apartment. Ang unang pamilya naguol pag-ayo sa ilang kahimtang. Pero makapatingala nga ang laing pamilya malipayon. Ngano? Ang ikaduhang pamilya hapit nang mobalhig puyo sa bag-o ug nindot nga balay.

Bisan pag “ang tanang kalalangan duyog nga nag-agulo ug naa sa kasakit hangtod karon,” ang mga alagad sa Diyos dunay paglaom nga nagpalig-on nila. (Rom 8:22) Nahibalo ta nga ang atong mga problema karon, bisan kadtong dugay na natong giantos, “kadiyot lang ug gaan” kon itandi sa kinabuhing walay kataposan sa bag-ong kalibotan sa Diyos. Ang pagpokus sa umaabot nga mga panalangin sa Gingharian makatabang nato nga magmalipayon ug molahutay.