“WALAY kinaiyanhong pagbati.” Kini ang makapasubong paghubit sa Bibliya sa kinaiya sa kadaghanang tawo sa atong panahon, nga usa ka yugto nga gitawag ug “kataposang mga adlaw.” (2 Timoteo 3:1, 3, 4) Ang pagdaghan sa mga kaso sa pagmolestiya ug bata diha sa pamilya maoy klarong pamatuod nga tinuod kanang tagnaa. Gani, ang orihinal nga Gregong pulong aʹstor·gos, nga gihubad sa Cebuano nga pinulongan nga “walay kinaiyanhong pagbati [o pagmahal],” nagpakita nga ang matag membro sa pamilya wala niana nga gugma nga angay unta nilang ipasundayag sa usag usa, ilabina ang mga ginikanan ug mga anak. Ug tungod sa kawalay gugma, among-amongan sa membro sa pamilya ang sakop niini.

MGA SUGYOT ARON MALAYO SA KADAOT ANG PAMILYA