MABUOTBUOTON

Ang Gregong termino nga gihubad nga “mabuotbuoton” (Tit 1:7; 2Pe 2:​10, AS, KJ, NW) sa literal nagkahulogang “tigpahimuot-sa-kaugalingon” ug “nagtumong sa usa kinsa, gipalihok sa kaugalingong interes, ug walay konsiderasyon sa uban, mapahitas-ong nagpugos sa iyang kaugalingong kabubut-on.” (Vine’s Expository Dictionary of Old and New Testament Words, 1981, Tomo 3, p. 342) Busa ang pagkamabuotbuoton maoy usa ka hiyas nga sukwahi sa espiritu sa Kristiyanidad. Kini dili angayng ipakita ilabina sa Kristohanong mga magtatan-aw. (Tit 1:​5, 7) Si apostol Pedro naghubit sa mga tawong mitalikod sa hustong Kristohanong panggawi ingong “mapangahason” ug “mabuotbuoton.”​—2Pe 2:10.