• “Tagda Pag-ayo ang usa nga Nakalahutay”
    “Mahimong Akong Sumusunod”

    • ‘Sunda Pag-ayo ang Iyang mga Tunob’

      20, 21. Kon bahin sa pagkamalahutayon, unsay gidahom ni Jehova gikan kanato, ug unsay angay natong determinasyon?

      20 Nahibalo si Jesus nga lisod ang pagkahimong iyang sumusunod, nga kana nagkinahanglag pagkamalahutayon. (Juan 15:20) Andam siya sa pagpanguna, kay nahibalo nga ang iyang panig-ingnan makapalig-on sa uban. (Juan 16:33) Tinuod, gihatag ni Jesus ang hingpit nga panig-ingnan sa pagkamalahutayon, apan kita dili hingpit. Unsay gidahom ni Jehova gikan kanato? Si Pedro nagsaysay: “Ang Kristo nag-antos alang kaninyo, nga nagbilin kaninyog sulondan aron sundon ninyo pag-ayo ang iyang mga tunob.” (1 Pedro 2:21) Sa iyang paagi sa pagsagubang sa mga pagsulay, si Jesus nagbilin ug “sulondan,” usa ka sumbanan nga pagasundogon.a Ang rekord sa pagkamalahutayon nga iyang naugmad ikatandi sa “mga tunob.” Dili kita hingpit nga makasunod sa maong mga tunob, apan makasunod kita “pag-ayo” niana.

  • “Tagda Pag-ayo ang usa nga Nakalahutay”
    “Mahimong Akong Sumusunod”

    • a Ang Gregong pulong nga gihubad nga “sulondan” sa literal nagkahulogang “pagsulat ug kopya.” Si apostol Pedro lamang ang magsusulat sa Kristohanon Gregong Kasulatan nga naggamit niining pulonga, nga giingong nagpasabot nga “‘kopyahonon’ diha sa notebook sa usa ka bata, nga maoy hingpit nga sinulat nga eksaktong sundon sa bata kutob sa mahimo.”