Suportahi ang Espesyal nga Buluhaton sa Abril
1 Sa Roma 12:11 ang apostol nga si Pablo mitambag: “Ayaw paglangaylangay sa inyong buluhaton. Magmainiton sa espiritu. Mag-alagad kang Jehova.” Samtang kining tambaga mapadapat sa tanang panahon, apan niining mga bulang ting-init kini adunay espesyal nga kapadapatan nga ang tanan kanato manlimbasog aron buhaton ang kabubut-on sa Diyos nga “mas bug-os pa.”—1 Tes. 4:1.
ESPESYAL NGA MGA HIGAYON
2 Magsugod ang Abril uban sa saulog sa Panihapon sa Ginoo, ang labing importanteng okasyon sa tuig. Dayon, sa Abril 10, ang espesyal nga pakigpulong publiko ipahayag sa ulohang “Nganong Sundon ang mga Sukdanan sa Bibliya?” Kitang tanan magmaigmat sa pagdapit sa mga interesado ngadto niining linaing mga higayon ug dayon sundalon kana pinaagig pagtanyag ug mga pagtuon sa Bibliya ngadto kanilang motambong.
100-PORSIYENTONG PAKIG-AMBIT
3 Gisugyot nga sa una ug ikaduhang mga hinapos ang semana sa Abril ang tanan manlimbasog nga moambit sa pag-alagad sa kanataran. Ang unang Domingo maoy sa Abril 3 ug busa ang tibuok mga pamilya maagda sa pagsangyaw sa maong adlaw. Sa kataposan sa ikaduhang semana, sa Abril 10, among isugyot nga ang tanang magmamantala magtaho sa ilang binuhatan alang sa unang 10 ka adlaw sa Abril. Kini magpaarang sa mga ansiyano sa pagkasayod kon kinsa pa ang wala makasangyaw aron kini sila matabangan gilayon sa dili pa matapos ang Abril. Ang mga payunir bug-os nga mopaluyo sa mga ansiyano sa pagtanyag ug personal nga pagtabang sa mga diregular sa maong bulan.
4 Dugang pa, mahimong adunay daghang takos na nga dapiton sa pagsangyaw niining maong espesyal nga bulan, ug among gidasig ang tanan sa pagsunod sa maayo kaayong mga sugyot diha sa artikulo sa panid 3 niini nga Atong Ministeryo sa Gingharian bahin sa “Pagtabang sa Bag-ong mga Magmamantala.”
5 Sa walay duhaduha kon ang tanan bug-os nga mopakig-ambit sa pagsangyaw, atong makab-ot ang bag-ong kinatas-an sa mga magmamantala sa Abril, nga molabaw pa sa gidaghanong 101,735 sa miaging Abril.
SUPORTAHI ANG BULUHATONG PAYUNIR
6 Ang laing paaging masuportahan ta ang buluhaton sa Abril maoy bug-os nga pakig-ambit ingong payunir kon kana gayod posible. Sa Abril, 1987 dihay total nga 35,424 nga nagpayunir, ug 21,567 niini kanila ang mga oksilyare payunir. Dili ba maayo kaayong butang kon atong makab-ot ang 40,000 o mas pa niana sa buluhatong payunir niining Abril? Kini maoy mga 40% sa total nga mga magmamantala sa nasod!
7 Ang Abril maoy panahong lugar alang kanilang mga eskuwela ug busa usa ka maayo kaayong higayon sa pakig-ambit sa buluhatong payunir. Ug alang kanilang adunay bug-os-panahong sekular nga mga trabaho, ang Abril adunay lima ka Sabado, nga mohatag ug dugang higayon sa pagpakig-ambit alang sa daghan. Usab, sayo sa Abril adunay yugtong piyesta opisyal nga iya sa kalibotan nga mohatag ug lugar nga panahon. Sulod sa nahibiling mga adlaw sa Marso, ang mga ansiyano gidasig nga ipahibalo ngadto sa kongregasyon ang gidaghanon nga nagpatala ingong mga katabang nga payunir sa maong panahon.
8 Hinaot si Jehova magapanalangin sa atong hiniusang mga panikaysikay sa pagbuhat sa iyang kabubut-on nga “mas bug-os pa” sa Abril aron magdalag dugang pagdayeg sa iyang dakong ngalan.