Espesyal nga mga Bahin sa Kombensiyon Nagapahiusa
1 “Tan-awa! Pagkamaayo ug pagkamalipayon sa mga igsoon nga nagapuyo sa panaghiusa!” (Sal. 133:1) Human makatagamtam sa atong “Balaang Hustisya” Distritong Kombensiyong programa, kining mga pulonga nakabaton ug dugang kahulogan alang sa tibuok-kalibotang panag-igsoonay sa katawhan ni Jehova.
2 Sa gipahayag sa matag mamumulong ang makapadasig nga impormasyon, kita nalipay nga kita nakatambong ug nakapakig-ambit. Ug pagkadakong kalipay nga nahiusa uban sa daghan kaayong mga igsoon sa pagsinggit nga “Oo!” dapig sa gamhanang resolusyon!
3 Ang espesyal, usab, mao ang pagluwat sa duha-tomo nga publikasyong nag-ulohang Insight on the Scriptures. Pagkatahom nahulagwayan nga basahon! Kini gayod makapahiusa kanato sa pagdukiduki sa mga ulohan sa Bibliya aron kita makasulti nga mauyonon maylabot sa tinuod nga kahulogan sa Kasulatan!—1 Cor. 1:10.
4 Pagkamakapalipay nga surprisa sa palis sa Sabado sa dihang ang basahong Revelation—Its Grand Climax at Hand! giluwatan. Kining 320-panid nga libro makabulig kanato sa paghiusa sa atong mga hunahuna maylabot sa kahulogan sa simbolikong mga pulong diha sa kataposang basahon sa Bibliya.
5 Dili kalimtan mao ang kangaya nga nadunggan ta ang mga misyonaryo nga miasoy sa ilang mga eksperiyensiya didto sa daghang kombensiyon. Gipabilhan ta gayod ang ilang mga tuig sa matinumanong pag-alagad! Bisan pa sa dili maayong panglawas, mga suliran sa linguwahe, ug pagsupak, sila nagpakaylap sa buluhatong pagsangyaw sa lagyong mga kayutaan.
6 Dayag nga si Jehova nagpanalangin kanato nga labaw pa kay sa ato gayong gidahom. Karon maoy atong determinasyon sa pagpamatuod maylabot sa balaang hustisya ngadto sa daghang uban pa.