Mga Pahibalo

◼ Tanyag nga literatura sa Septiyembre: Life​​—How Did It Get Here? By Evolution or by Creation? Oktubre: Indibiduwal nga mga kopya sa Ang Bantayanang Torre ug Pagmata! Kon sa mga balikduaw makita ang interes, ang mga suskrisyon mahimong itanyag. Pagdala kanunay ug brosyur nga Gikinahanglan aron makasugod ug pagtuon sa Bibliya kon posible. Nobyembre: Ang librong Kahibalo o brosyur nga Gikinahanglan ang itanyag. Kon ang mga tagbalay aduna na niini, ang Pagpangita sa Katawhan sa Diyos o pipila sa ubang daandaang publikasyon mahimong gamiton. Disyembre: Ang Labing Bantogang Tawo nga Nabuhi Sukad, Akong Basahon sa mga Estorya sa Bibliya, o, kon mabatonan, Ikaw Mabuhing Walay Kataposan sa Paraiso sa Yuta.

◼ Sugod sa Oktubre, ang mga magtatan-aw sa sirkito mohatag sa pakigpulong publiko nga nag-ulohang “Adlaw sa Paghukom​—Usa ka Panahon sa Kahadlok o Paglaom?” sa dihang magaduaw sa mga kongregasyon.

◼ Ang mga ansiyano gipahinumdoman sa pagsunod sa mga instruksiyon nga gihatag diha sa mga panid 21-3 sa Abril 15, 1991, Bantayanang Torre, maylabot kang bisan kinsang mga tawo nga napalagpot o nadis-asosyet nga hayan buot mapasig-uli.

Pangutana

◼ Unsang impormasyon ang angayng ipresentar diha sa mga tigom sa dayon nang pagsangyaw?

Ang katuyoan sa tigom sa dayon nang pagsangyaw mao ang pagtabang kanato sa paghatag ug pagtagad sa kalihokan nga mosunod​—ang ministeryo. Busa, ang tagdumala angayng mangandam pag-ayo aron makapaambit ug butang nga makapadasig, espesipiko, ug praktikal. Kon ang teksto sa adlaw deretsong naghisgot bahin sa kalihokang pagsangyaw, mahimo kanang basahon ug hisgotan sa mubo. Apan, sa panguna ang maong tigom angayng magsentro sa pagtagad sa pagtabang sa tanan nga moduyog sa buluhatong pagsangyaw sa pagkaandam pa gayod aron tumanon ang ministeryo nianang adlawa.​—2 Tim. 4:5.

Ang magamit nga mga puntos gikan sa Atong Ministeryo sa Gingharian mahimong hisgotan aron ang tanan masinati sa kinabag-ohang tanyag ug kon unsaon sa pagpresentar niana. Sa Adlaw sa Magasin ang presentasyon gikan sa “Kon Unsay Isulti Labot sa mga Magasin” ikapasundayag. Alang sa ubang mga kampanya, usa o duha ka introduksiyon diha sa librong Nangatarongan nga haom sa lokal nga teritoryo mahimong ipasiugda. Ang usa ka bahin sa ministeryo mahimong hisgotan o ipasundayag, sama sa kon unsaon sa paggamit ang Bibliya diha sa pultahan, kon unsaon sa pagdumala ang lagmit tigsumpo sa panaghisgot, kon unsaon sa pagtanyag ug pagtuon sa Bibliya, o kon unsaon sa pagpaloap sa interes.

Ang mga tigom sa dayon nang pagsangyaw dili gayod molapas sa 10 hangtod sa 15 minutos, nga maglakip sa pag-organisar sa mga grupo, pag-asayn ug teritoryo, ug pag-ampo. Sa dihang manglakaw na, ang tanan nga mitambong angayng nasayod na kon kinsa ang makauban ug asa nga dapit ang ilang kobrehan, ug angayng mobiya dayon sila paingon sa teritoryo. Tungod sa kamubo sa panahon sa maong tigom, hinungdanon nga ang tanan moabot nga untop sa panahon. Kon ang tigom sa dayon nang pagsangyaw himoon human sa usa ka tigom sa kongregasyon, sama sa Pagtuon sa Bantayanang Torre, kini kinahanglang mas mubo. Dili na kinahanglang hisgotan ang teksto sa adlaw, sanglit nakapahimulos na man sa maayong Kasulatanhong panaghisgot.

Ang takos bawtismadong mga igsoong lalaki kinahanglang itudlo nga abante sa pagdumala sa matag tigom sa dayon nang pagsangyaw. Kon walay magamit sa pagpanguna sa usa ka partikular nga adlaw, ang mga ansiyano kinahanglang magtudlo kon kinsang bawtismadong mga babaye ang makahimo niana sa dihang ang panginahanglan motungha. Samtang nagpabiling naglingkod, mahimong sugdan sa igsoong babaye ang panaghisgot sa grupo bahin sa teksto sa adlaw o ubang mga puntos maylabot sa pag-alagad sa kanataran, nga mubo kanunay ang iyang mga komento. Siya kinahanglang magpandong.

Ang mga tigom sa dayon nang pagsangyaw maoy maayo kaayong mga kahigayonan alang kanato nga madasig ug masangkapan sa pagpakig-ambit diha sa ministeryo. Kon nakaandam pag-ayo ang tagdumala, mas makabenepisyo ang tanan.

“Mga Magtutudlo sa Pulong sa Diyos” Distritong mga Kombensiyon

Sa ubos mao ang tentatibong mga petsa ug mga dapit alang niining tuiga nga distritong mga kombensiyon:

Nobyembre 23-25, 2001

Quezon City (1): Manila 7, Quezon City 3.

Nob. 30–​Dis. 2, 2001

Quezon City (2): Manila 4, 6.

Disyembre 7-9, 2001

Quezon City (3): Ingles 1 (lakip ang senyas nga pinulongan).

Disyembre 14-16, 2001

Alaminos, Pangasinan: Pangasinan 1, 2, 10.

Bauang, La Union: La Union 1-3.

Cabanatuan City: Aurora 1; Nueva Ecija 1-3.

Cauayan City: Isabela 2, 4, 5.

Orani, Bataan: Bataan 1; Zambales 1, 2.

Quezon City (4): Quezon City 1, 2.

Victoria, Laguna (1): Laguna 1; Quezon 4.

Disyembre 21-23, 2001

Baguio City (TG): Northern Tagalog 1, 2.

Bayombong, Nueva Vizcaya: Ifugao 1; Isabela 6; Nueva Vizcaya 1; Quirino 1.

Binalonan, Pangasinan: Pangasinan 7-9.

Buguias, Benguet: Benguet 3; Ilocos 6; Mountain Province 1.

Cabantian, Davao City (1): Davao 3, 4, 12.

Cagayan de Oro City: Misamis 1, 2, 4, 5; Lanao 1.

Cavite City: Cavite 1, 2.

Digos City: Davao 1, 2, 10, 14.

Dipolog City: Zamboanga 1, 3, 5.

Kidapawan City: Cotabato 1, 5, 7, 9, 10.

Koronadal City: Cotabato 4, 6, 8.

Lingayen, Pangasinan: Pangasinan 3-6.

Pili, Camarines Sur: Camarines 1-4.

Puerto Princesa City: Palawan 1-3.

Quezon City (5): Manila 2, 3.

Roxas City: Aklan 1; Capiz 1, 2; Romblon 1.

San Fernando, Pampanga: Pampanga 1, 2; Tarlac 3.

Surigao City: Agusan 4; Surigao 1, 4.

Tacloban City: Leyte 1, 5; Samar 3.

Tagbilaran City: Bohol 1-4.

Tandag, Surigao Sur: Surigao 2, 3.

Tuguegarao City: Apayao 1; Cagayan 5-7; Isabela 1; Kalinga 1.

Victoria, Laguna (2): Laguna 2, 3.

Disyembre 28-30, 2001

Aguso, Tarlac City: Nueva Ecija 4; Tarlac 1, 2.

Aparri, Cagayan: Cagayan 1-4; Isabela 8.

Bacolod City: Negros 1, 2.

Baguio City (IL): Benguet 1, 2, 4.

Butuan City: Agusan 1, 2, 5.

Cabantian, Davao City (2): Davao 5, 9, 11, 15.

Calbayog City: Samar 1, 2.

Cebu City: Cebu 1-5.

Dumaguete City: Negros 3-5.

General Santos City: Cotabato 3; Sarangani 1, 2.

Iloilo City: Antique 1; Iloilo 1-4.

Laoag City: Abra 1, 2; Batanes 1; Ilocos 1-5, 7.

Legaspi City: Albay 1-3; Catanduanes 1; Sorsogon 1.

Lucena City: Marinduque 1; Quezon 1-3.

Malaybalay City: Bukidnon 1-3.

Mati, Davao Oriental: Davao 6, 8.

Ormoc City: Leyte 2-4.

Quezon City (6): Manila 8; Rizal 1.

Roxas, Isabela: Isabela 3, 7, 9.

Tagum City: Agusan 3; Compostela Valley 1; Davao 7, 13.

Tangub City: Misamis 3; Zamboanga 2, 6.

Victoria, Laguna (3): Cavite 3; Manila 5.

Zamboanga City: Zamboanga 4, 7.

Enero 4-6, 2002

Masbate, Masbate: Masbate 1, 2.

Quezon City (7): Manila 1; Bulacan 3.

Victoria, Laguna (4): Batangas 1, 2; Mindoro 1, 2.

Enero 11-13, 2002

Quezon City (8): Bulacan 1, 2.