Ang Teokratikanhong Tunghaan sa Ministeryo sa 2004
1 Si Jehova nagsangkap sa ordinaryong mga tawo sa pagtuman sa ilang buluhaton nga hinungdanon sa tibuok kalibotan. Ang usa ka paagi nga iyang gihimo kini maoy pinaagi sa pagbansay nga gitagana matag semana diha sa Teokratikanhong Tunghaan sa Ministeryo. Nakig-ambit ka ba sa bug-os kutob sa itugot sa imong mga kahimtang? Sa Enero may pipila ka kausaban nga himoon sa tuyo nga matabangan ang mga estudyante sa pagpahimulos sa labing maayo gikan sa maong mga kahikayan.
2 Pagpulipuli sa Katabang nga Magtatambag: Ang mga igsoong lalaki nga mohatag ug nagatudlong pakigpulong ug mga haylayt sa Bibliya mapasalamaton sa mga obserbasyon nga gihatag sa katabang nga magtatambag. Kon dunay daghang takos nga mga ansiyano, ang asaynment sa katabang nga magtatambag mahimong pulipulihan kada tuig. Niining paagiha, mabahin ang trabaho; apan labing hinungdanon, ang mga ansiyano ug takos nga ministeryal nga mga alagad makabenepisyo gikan sa linangkob nga kasinatian sa takos nga mga mamumulong ug mga magtutudlo.
3 Pag-eskedyul sa Binaba nga Repaso: Kon ang inyong kongregasyon may sirkitong asembliya sa semana sa binaba nga repaso, nan ang maong repaso (ug ang uban pang eskedyul sa maong semana) kinahanglang himoon pagkasunod semana ug ang eskedyul sa sunod semana mao ang angayng gamiton sa semana sa sirkitong asembliya. Apan, dili man kinahanglang bayloon ang bug-os duha ka senemanang eskedyul kon ang binaba nga repaso maatol sa duaw sa magtatan-aw sa sirkito. Hinunoa, ang awit, pakigpulong sa hiyas sa pagpanulti, ug mga haylayt sa Bibliya kinahanglang ipresentar sumala sa gieskedyul. Ang nagatudlong pakigpulong (nga ihatag human sa pakigpulong sa hiyas sa pagpanulti) angayng kuhaon gikan sa eskedyul sa sunod semana. Ang mga haylayt sa Bibliya pagasundan sa tunga-sa-oras nga Tigom sa Pag-alagad, nga mahimong ipasibo aron dunay tulo ka tag-10-minutos nga mga bahin o duha ka tag-15-minutos nga mga bahin. (Ang pasiunang mga pahibalo dili na iapil.) Ang Tigom sa Pag-alagad pagasundan sa awit ug tunga-sa-oras nga programa nga iya sa magtatan-aw sa sirkito. Ang Teokratikanhong Tunghaan sa Ministeryo alang sa sunod semana magpadayon uban sa hiyas sa pagpanulti ug mga haylayt sa Bibliya sumala sa gieskedyul, nga pagasundan sa binaba nga repaso.
4 Pahimusli ang matag kahigayonan alang sa espirituwal nga pag-uswag. Samtang pahimuslan mo ang edukasyon gikan sa imong Teokratikanhong Tunghaan sa Ministeryo, madasig mo ang imong kongregasyon, makaambit sa katumanan sa tagna sa Bibliya, ug makahatag ug pagdayeg sa Awtor sa kahibulongang mensahe nga kinahanglan natong imantala.—Isa. 32:3, 4; Pin. 9:19.