Kinasingkasing nga Maghigugmaay

1. Gikan sa kasingkasing ta

Nagtubod ang atong gugma.

Busa atong higugmaon

Ang tanang igsoon.

Kon atong ipasundayag

Ang atong putli nga gugma,

Nagsundog ta kang Jehova

Sa tim-os niyang gugma.

Sa pulong ug sa buhat,

Magpakita kita ug gugma,

Mga kabos tabangan

Kon may panginahanglan.

Ang pagtahod sa igsoon

Angay natong batasanon,

Kahuyangan niya tabonan.

Kon igsoon unongan,

Magkahiusang tanan.

2. Kon dako ang gugma nato,

Di kita daling masilo,

Kay atong pagsalig dako

Sa igsoon nato.

Kamaunongon ugmara

Sa atong mga higala.

Sadya kitang makigtigom

Aron mamalig-on.

Tanan may kasaypanan

Ug masipyat ang sinultihan.

Pakitaig kalumo

Isigkamagtutuo.

Ang tinuod nga higala

Lig-on ug bugkos sa gugma.

Magmahigugmaon kita.

Dayegon ta si Jehova,

Sundogon iyang gugma.