Tukma ug Makapakombinsir

Lucas 1:3

SUMARYO: Paggamit ug kasaligang ebidensiya nga makatabang sa imong mamiminaw sa paghimog hustong konklusyon.

KON UNSAON PAGHIMO:

• Konsultaha ang kasaligang mga reperensiya. Ibase ang imong mga komento sa Pulong sa Diyos, nga magbasa mismo niini kon posible. Kon mogamit kag balita, eksperyensiya, impormasyon sa siyensiya, o ubang ebidensiya, susiha daan nga ang imong reperensiya kasaligan ug kinabag-ohan.

• Gamita sa hustong paagi ang mga reperensiya. Ipatin-aw ang mga teksto base sa konteksto niini, sa katibuk-ang mensahe sa Bibliya, ug sa mga publikasyon sa “matinumanon ug maalamong ulipon.” (Mat. 24:45) Gamita ang sekular nga mga reperensiya nga dili usbon ang orihinal nga kahulogan o ang gipasabot sa nagsulat niini.

• Pangatarongan base sa ebidensiya. Human mabasa ang teksto o mahisgoti ang reperensiya, pagsuknag haom nga mga pangutana o iilustrar ang punto aron matabangan ang imong mamiminaw sa paghimog konklusyon.