Mga Pangutana Gikan sa mga Magbabasa

◼ Unsa ang “basahon sa kinabuhi” sa Diyos, ug sa unsang paagi ang akong ngalan mahisulat niana ug magpabilin dinha?

Ang nagkalainlaing mga teksto sa Bibliya nagapaila nga si Jehova nga Diyos adunay usa ka “basahon,” o “linukot nga basahon,” nga nagalista sa mga tawong matinumanon nga magadawat ug kinabuhing walay kataposan, sa langit kaha o sa yuta.

Gikan sa mga langit ang matuod nga Diyos nagamatikod sa mga tawo nga nagapasundayag ug pagtuo, nga takos nga pagauyonan ug hinumdoman niya. Atong mabasa mahitungod sa pila ka Hudiyo sa adlaw ni Malakias: “Niadtong panahona kadtong nahadlok kang Jehova nagsultihay sa usag usa, . . . ug si Jehova namati ug nagpatalinghog. Ug ang usa ka basahon sa handumanan gisulat sa iyang atubangan alang niadtong nahadlok kang Jehova ug niadtong nagahunahuna sa iyang ngalan.”​—Malakias 3:16.

Lagmit, gikan sa panahon ni Abel hangtod sa unahan, ang Diyos nagmatikod, nga daw nagsulat diha sa usa ka basahon, niadtong anaa sa kalibotan sa katawhang pagaluwason nga hinumdoman kon bahin sa kinabuhing walay kataposan. (Mateo 23:35; Lucas 11:50, 51) Sa dinihogang mga Kristohanon, usab, ang ilang ‘mga ngalan nahisulat niining basahon sa kinabuhi,’ o anaa sa basahon sa handumanan aron makadawat ug kinabuhing walay kataposan ug alang kanila kana maoy langitnong kinabuhi. (Filipos 3:14, 20; 4:3) Sa kasukwahi, ang Pinadayag 17:8 nagaingon bahin niadtong “nagadayeg” sa “mapintas nga mananap”: “Ang ilang mga ngalan wala mahisulat sa linukot nga basahon sa kinabuhi sukad sa pagkatukod sa kalibotan.”

Ang pagmatikod sa usa ka tawo uban ang paghinumdom ug pag-uyon (kay ang iyang ngalan nahisulat “diha sa basahon sa kinabuhi”) wala magkahulogang gipasalig na kaniya ang kinabuhing dayon, nga daw kini gihukom daan o dili na mausab. Mahitungod sa mga Israelinhon, si Moises nangutana kang Jehova: “Karon kon imong pasayloon ang ilang sala,​—ug kon dili, palaa ako, palihog, gikan sa imong basahon nga imong gisulat.” Ang Diyos mitubag: “Si bisan kinsa nga nakasala kanako, akong palaon siya gikan sa akong basahon.” (Exodo 32:32, 33) Oo, bisan tapos sa paglista sa Diyos sa usa ka tawo uban ang pag-uyon diha sa iyang “basahon,” ang indibiduwal mahimong masupilon o mobiya sa iyang pagtuo. Kon mahitabo kana, ang Diyos “magpala sa iyang ngalan gikan sa basahon sa kinabuhi.”​—Pinadayag 3:5.

Sa laing bahin, kon ang atong mga ngalan karon anaa sa “basahon sa kinabuhi” o “basahon sa handumanan” sa Diyos, kinahanglang kita padayong magbatog pagtuo. Nianang paagiha ang atong mga ngalan magpadayong anaa niana. Sa susama, kay pagabanhawon ang mga tawo sa umaabot nga ‘pagkabanhaw sa mga dili matarong,’ sila magbaton ug higayon sa pagbutang ug pagtuo ug busa mahimong takos nga ang ilang mga ngalan itala sa maong basahon. (Buhat 24:15) Sa kataposan, ang mga tawong nahisulat niana makaarang sa pagbutang sa ilang mga ngalan nga permanente dinha. Kana matuod sa mga dinihogan samtang sila magapamatuod nga “matinumanon bisan hangtod sa kamatayon.” (Pinadayag 2:10; 3:5) Bahin niadtong may yutan-ong mga palaaboton, pinaagi sa pagpamatuod nga matinumanon karon, lahos sa Milenyong Paghari ni Kristo, ug dayon lahos sa mahukmanong pagsulay nga mosunod, ang ilang mga ngalan “mahisulat sa basahon sa kinabuhi” sa permanente.​—Pinadayag 20:5-15.

dinhi mismo sa yuta mahitungod sa iyang dili-masubling buhat sa pagbayaw sa iyang kaugalingon ingong Unibersohanong Soberano. (2 Pedro 3:6, 7, 13, 14) Kini sila mao unya kadtong nagasalig kaniya alang sa kalinaw ug kasegurohan taliwala niining gihukman-sa-kalaglagang kalibotan. Malipayon ka unya nga mahiapil niadtong mga Saksi nga sa milagrosong paagi gipaboran. Ang imong kalinaw ug kasegurohan mapasundayag unya ingong nagagikan kang Jehova nga Diyos ug dili gikan sa bisan unsang pakigtigom, o sabutsabot, uban sa politikanhong mga gahom niining gigamhan-sa-Yawang sistema sa mga butang.

20. Si Jehova mogula nga unsa, ug kita determinado sa pagbuhat sa unsa?

²⁰ Si Jehova nga Diyos mogulang hinimaya ingong Usa nga may katungod nga pagasimbahon ug alagaron ingong supremong Balaang Usa​—ang Diyos sa mga diyos, ang Usa lamang nga kaniya gitumong ang mga pulong sa gidasig nga salmista: “Bisan gikan sa panahong walay katinoan ngadto sa panahong walay katinoan ikaw mao ang Diyos.” (Salmo 90:2) Uban ang kanunay-nagatubong apresasyon, ipadayon nato ang atong pagsalig kang Jehova nga Diyos ug atong pagpakig-uban kaniya pinaagi sa Mas Dakong Ciro, si Jesu-Kristo.