Kon sa unsang paagi makabenepisyo ka pag-ayo niini nga pagtuon sa Bibliya
Konsideraha una ni nga sumaryo, dayon i-play ang VIDEO.
UNANG BAHIN
Sa pagpangandam sa matag leksiyon, basaha ang unang bahin. Ang bagag letra nga mga pangutana (A) ug mga teksto (B) nagpasiugda sa pangunang mga punto. Matikdi nga ang ubang teksto gimarkahan ug “basaha.”
IKADUHANG BAHIN
Ang unang mabasa (C) ubos sa Tun-ig Dugang nagpakita sa sunod nga hisgotan. Gipakita sa mga sub-ulohan (D) ang pangunang mga punto. Uban sa nag-Bible study nimo, basaha ang mga teksto, tubaga ang mga pangutana, ug tan-awa ang mga video.
Ang mga VIDEO ug AUDIO RECORDING diha sa leksiyon maghatag ug dugang nga impormasyon bahin sa topiko. Ang ubang video maoy tinuod nga mga eksperyensiya. Ug ang uban maoy mga drama lang base sa realistikong mga situwasyon.
Tan-awa pag-ayo ang mga hulagway ug kapsiyon (E), ug hunahunaa kon unsaon pagtubag ang Ang Uban Moingon (F).
KATAPOSANG BAHIN
Ang kataposang bahin sa leksiyon mao ang Sumaryo ug Review (G). Isulat ang petsa nga nahuman ang leksiyon. Sa Sulayi Kini, (H) naa kay himoon aron makapadayon ka sa pagkat-on o makapadapat sa imong nakat-onan. Sa Susiha, (I) naay dugang nga impormasyon nga puwede nimong basahon o tan-awon.
Kon unsaon pagpangitag mga teksto sa Bibliya
Ang Bibliya naay 66 ka basahon. Gibahin ni sa duha ka seksiyon: Ang Hebreohanon-Aramaikong Kasulatan (“Daang Tugon”) ug ang Kristohanon Gregong Kasulatan (“Bag-ong Tugon”).
Niini nga pagtuon, ang mga teksto mapangita pinaagi sa ngalan sa basahon sa Bibliya (A), kapitulo (B), ug bersikulo o mga bersikulo (C).
Pananglitan, ang Juan 17:3 nagtumong sa basahon sa Juan, kapitulo 17, bersikulo 3.