KRISTOHANONG PAGKINABUHI
Ang Akong Mahimo Para sa Atong Maayong Reputasyon
Mamatikdan sa mga tawo ang panggawi sa mga Saksi ni Jehova. (1Co 4:9) Puwede natong pangutan-on ang atong kaugalingon, ‘Ang ako bang sinultihan ug binuhatan naghimaya kang Jehova?’ (1Pe 2:12) Dili gyod nato gustong makahimog bisan unsa nga makadaot sa maayong reputasyon nga nabatonan sa mga Saksi ni Jehova sa daghan nang katuigan.—Ecc 10:1.
Sa mosunod nga mga situwasyon, isulat kon unsay angayng himoon sa usa ka Kristohanon ug kon unsang prinsipyo sa Bibliya ang makatabang:
Gikasab-an ka ug gisaway sa usa ka dili Saksi
Hugaw na ang imong sinina, sakyanan, o balay
Naay balaod sa inyong lugar nga morag lisod sundon o dili patas
Sa unsang paagi ang mga researcher sa Writing Department nakaamot sa atong maayong reputasyon?
TAN-AWA ANG VIDEO NGA PAGHIGUGMA UG PAGTAHOD SA KAMATUORAN, UG DAYON TUBAGA ANG MOSUNOD NGA PANGUTANA:
Unsay nakapabilib nimo sa paningkamot sa organisasyon nga mahimong tukma ang atong mga publikasyon?