AWIT 112
Si Jehova—Ang Diyos sa Kalinaw
Giimprenta nga Edisyon
1. Oh Diyos nga Jehova,
Kalinaw mo dagaya.
Mapakita unta namo
Ang mga hiyas nimo.
Pagtuo kang Kristo
Nakatabang kanamo
Nga maangkon ang kalinaw
Ug mahigala nimo.
2. Pulong mo nagdan-ag
Sa dulom namong dalan.
Imo ming gipanalipdan
Batok sa kalibotan.
Hangtod sa panahon
Nga tanan malinawon,
Imo unta ming tabangan,
Kalinaw matipigan.
3. Mga alagad mo
Sa langit ug sa yuta,
Ang tanan nagkahiusa
Sa balaang pagsimba.
Sa imong pagmando,
Wala nay kagul-anan.
Ug sa bag-ong kalibotan,
Malinawon ang tanan.
(Tan-awa usab ang Sal. 4:8; Filip. 4:6, 7; 1 Tes. 5:23.)