Kon Unsaon Pagtagamtam ug Malipayon nga Kinabuhi sa Pamilya
“TIGBASA ako ug mga magasing Bantayanang Torre ug Pagmata! sulod na sa 40 ka tuig,” misulat si Graciela nga taga-Argentina, Amerika del Sur. “Karon, human sa daghang katuigan, makaingon gayod ako nga natagan-an niini ang akong mga panginahanglan. Nakatabang kini kanako sa panahon sa akong pagkabata, panahon sa akong pagkatin-edyer, sa pagpakigtrato ug pagminyo, ug sa pagmatuto sa akong unom ka anak.
“Ang mga magasin nakatabang sa akong bana ug kanako sa pagmatuto sa among upat ka anak nga nagpuyo pa sa among balay. Akong gigamit pag-ayo ang mga magasin sa pagpakig-estorya sa akong mga anak ug sa ilang mga magtutudlo sa tunghaan. Ako direkta nga nagbasa sa Pagmata! sa dihang nakig-estorya sa mga doktor bahin sa mga sakit. Tungod sa mga serye sa artikulong may panghapin nga nag-ulohang “Tabang Alang sa Kabataan nga May Depekto sa Pagkakat-on” (Pebrero 22, 1997), among nahibaloan nga may problema diay sa pagkat-on ang usa sa among mga anak nga babaye.”
Ang mga publikasyon sa Watch Tower Society makatabang sa mga pamilya sa pagsagubang sa daghang problema nga ilang ginaatubang ug sa duyog nga pagtagamtam ug malipayong kinabuhi. Pananglitan, ang 192-panid nga librong Ang Sekreto sa Kalipay sa Pamilya makahatag ug kaayohan sa mga bana, asawa, ginikanan, anak, apohan—oo, sa tanang membro sa pamilya. Lakip sa matulon-anong mga kapitulo niini mao ang mosunod: “Bansaya ang Inyong Anak Sukad sa Pagkabata,” “Tabanging Mouswag ang Inyong Anak nga Tin-edyer,” “Panalipdi ang Inyong Pamilya Gikan sa Makadaot nga mga Impluwensiya,” ug “Masagubang Nimo ang mga Suliran nga Magdaot sa Usa ka Pamilya.”
Alang sa imong kopya, palihog sulati ug ipadala ang kaubang kupon, nga naggamit sa adres nga gihatag sa panid 5 niining magasina. Makadawat ka ug espesipikong mga sugyot nga makatabang kanimo sa pagsulbad sa mga problema ug makahimo sa kinabuhi sa pamilya nga usa ka kalipay ingon sa gituyo sa Maglalalang.
□ Padalhi ko ug kopya sa librong Ang Sekreto sa Kalipay sa Pamilya.
□ Palihog kontaka ako bahin sa usa ka libreng pagtuon sa Bibliya sa balay.
[Hulagway sa panid 32]
Si Graciela ug ang iyang pamilya