“Pagpangandoy ug Paraiso”

Sa miaging tuig, usa ka sulat ang nadawat sa sangang buhatan sa mga Saksi ni Jehova sa Papua New Guinea gikan sa usa ka magbabasa sa Pagmata! nga nagpuyo sa Lae, sa Lalawigan sa Morobe. Siya nagkanayon:

“Angkonon ko gayod nga nakahimo akog maayo kaayong desisyon lima ka tuig kanhi (sa dihang didto ako sa Port Moresby) nga basahon ang magasing Pagmata!, nga gipatik sa inyong organisasyon. Nabasa ko ang matag gula sukad pa sa 1997. Puno ang akong balay sa mga magasing Pagmata!

“Daghan akog nakat-onan. Ang akong bokabularyo, katibuk-ang kahibalo, gramatika, ug ang akong pagsabot sa Maglalalang miuswag pag-ayo. Sa personal, ako nahimong mas matinugoton, mas matinagdanon sa uban, ug mas makasentro sa pagtagad, ug akong naugmad ang labawng pagtahod alang sa mga tanom ug mga mananap. Akong irekomendar nga basahon sa mas daghang tawo ang Pagmata! maingon man ang uban ninyong mga publikasyon.”

Ang nagsulat mihinapos: “Nagtuo ako nga kon ang tanang tawo niining kalibotana mahimong mga Saksi ni Jehova, ang atong pagpangandoy ug Paraiso mamatuman gayod dayon. Ipadayon ang maayong buluhaton.”

Ang mga publikasyon sa mga Saksi ni Jehova nagpunting sa saad sa Bibliya nga kining presenteng sistema sa mga butang pulihan sa dili madugay ug bag-ong kalibotan nga ipahinabo sa Gingharian sa Diyos. Ang librong Kahibalo nga Motultol sa Kinabuhing Walay Kataposan nagpunting sa maong Gingharian ingong sulbad sa mga suliran sa katawhan.

Makahangyo ka ug kopya niining 192-panid nga libro aron imong masusi mismo. Imong mahimo kana pinaagi sa pagpil-ap ug pagpadala sa nagaubang kupon ngadto sa adres nga gitagana o sa tukmang adres nga gilista sa panid 5 niining magasina.

□ Interesado ako nga makadawat ug kopya sa libro nga Kahibalo nga Motultol sa Kinabuhing Walay Kataposan.

□ Palihog kontaka ako mahitungod sa usa ka libreng pagtuon sa Bibliya sa balay.