“Mao Gayod Kini ang Among Gikinahanglan!”
Mao kanay giingon sa usa ka inahan sa Italya sa dihang iyang nadawat ang librong Pagkakat-on Gikan sa Dakong Magtutudlo. “Natandog gayod ako nga tungod niana ako nakahilak,” matod niya. Naghisgot bahin sa iyang batang babaye, siya miingon: “Dili pa siya makamaong mobasa apan tungod sa mga hulagway, iyang mahinumdoman ang importanteng mga punto. Maminaw gayod siya kay ang pagkasulat niini morag nakig-estorya lang sa magbabasa, ug motubag pod siya. Wala nay makalabaw pa niining maong gasa.”
Usa ka amahan didto sa Italya nag-ingon nga siya ug ang iyang asawa nagsigeg hunahuna kon unsaon nila pag-eksplikar ang bahin sa sekso ngadto sa ilang batang lalaki. Sila miingon: “Sa dihang among nadawat kining bag-ong libro, among nasabtan nga morag nabasa sa Diyos ang among hunahuna. Human nga gitan-aw kini, kami nakaingon nga kining libroha makadasig gayod sa among anak sa paghunahuna ug sa pagpangatarongan.”
Usa ka batan-on sa Japan, nga giamong-amongan sa bata pa, misulat agig apresasyon sa maong libro: “Pwerte nakong hilak ug nagsige kog pasalamat kang Jehova. Prangka ug tukma kaayong gihisgotan niining libroha ang mga kahimtang nga sagubangonon sa mga bata niining daotan kaayong panahon. Ang mga pangutana makaaghat sa bata sa pagpadayag sa iyang gibati. Dako kaayong tabang ang kapitulo 32 sa pagpanalipod sa mga bata batok sa way puangod nga mga hamtong! Lahi unta kaayo ang akong kinabuhi kon niadtong milabayng 20 ka tuig nakabaton ako ug libro nga sama niini ka prangka ug ka daghag impormasyon.”
Makahangyo ka ug kopya niining 256 ka panid nga libro, nga nindot ug mga hulagway, diin ang gidak-on niini sama ra niining magasina. Sulati ang kupon sa ubos ug ipadala sa adres nga makita diha sa kupon o sa adres nga nalista sa panid 5 niining magasina.
□ Interesado akong makadawat ug kopya sa libro nga gipakita dinhi.
□ Palihog kontaka ako bahin sa usa ka libreng pagtuon sa Bibliya sa balay.