Matudloan na sa Pagpanalipod sa Kaugalingon

● Mao kanay giingon sa usa ka inahan sa California, U.S.A., sa iyang sulat mahitungod sa usa ka ulohan diha sa librong Pagkakat-on Gikan sa Dakong Magtutudlo. Siya misaysay: “Sa miaging semana, gidala namo sa doktor ang among tres anyos nga anak nga lalaki nga si Javan. Nangutana ang doktor kon nahisgotan na ba namo kang Javan ang bahin sa pag-amping sa pribadong parte sa lawas. Nalipay kaayo kong misugilon niya bahin sa librong Magtutudlo, nga nagsaysay nga sayop ang pagdula-dula sa pribadong parte sa lawas. Nakadayeg kaayo ang doktor nga nahisgotan na namo kini sa among anak.”

Ang inahan midugang: “Maayo kaayong pagkasaysay sa libro kining hinungdanong butang.” Ang kapitulo nga iyang gitumong nag-ulohang “Kon sa Unsang Paagi Gipanalipdan si Jesus.” Kini naghisgot kon sa unsang paagi si Jesus gipanalipdan sa iyang langitnong Amahan batok sa daotang hari nga si Herodes sa dihang bata pa siya. (Mateo 2:7-23) Dayon gipakita sa maong libro nga bisan ang mga bata matudloan sa pagpanalipod sa kaugalingon kon dunay mosulay sa pag-among-among kanila.

Makahangyo kag kopya niining 256-panid nga libro, nga daghag hulagway ug sama kadako sa panid niining magasina. Pil-api lang ang kupon sa ubos, ug ipadala kini sa adres nga makita diha sa kupon o sa nahiangayng adres nga anaa sa panid 5 niining magasina.

□ Interesado akong makadawat ug kopya sa libro nga gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.