Nahiusa sa Pagbuhat sa Kabubut-on sa Diyos

Among gilaoman nga ang impormasyon nga gipresentar niining pulyetoha bahin sa ministeryo, mga tigom, ug organisasyon sa mga Saksi ni Jehova makadasig kanimo nga magbabasa sa pagpakig-uban kanila sa bug-os sa pagsimba sa Diyos. Among gidapit kamo sa pagtuon bahin sa mga Saksi ni Jehova pinaagi sa personal nga pakig-uban sa kongregasyon sa mga Saksi ni Jehova ug sa pagtambong sa ilang mga asembliya. Kini makadugang ug dako sa imong pagsabot sa kabubut-on sa Diyos karong panahona.​—Tito 2:​11-14.

Samtang imong ipasibo ang imong kinabuhi sa sukdanan sa Bibliya sa maayong mga buhat, makapribilehiyo ka usab sa pakigbahin sa mga Saksi ni Jehova sa ilang mga kalihokan. Dugang pa sa pagtagamtam sa mainit nga pag-ubanay sa tibuok kalibotang asosasyon sa mga igsoon, makapaabot ka nga maluwas sa kataposan sa presenteng sistema sa mga butang ngadto sa bag-ong sistema diin magapuyo ang pakigdait ug pagkamatarong.​—2 Pedro 3:​13.

[Mga hulagway sa panid 30, 31]

Mga talan-awon gikan sa 18 sa kapin sa 200 ka yuta ug mga isla sa dagat diin ang mga Saksi ni Jehova nahiusang nagatuman sa kabubut-on sa Diyos

Nigeria

Austria

Brazil

Japan

Canada

Guatemala

Argentina

Alemanya

Taiwan

Finland

South Africa

India

Tinipong Bansa

Fiji

Chile

Italya

Bolivia

Pilipinas