Andam na ba Ko?
Andam na ba Kong Mosangyaw Uban sa Kongregasyon?
Andam na kang mahimong dili bawtismadong magmamantala kon ikaw . . .
Regular nga nagtuon sa Bibliya, nag-ampo, ug nagtambong sa mga tigom sa kongregasyon.
Nagpabili ug nagtuo sa imong nakat-onan ug gustong mosulti niini ngadto sa uban.
Nahigugma kang Jehova ug nakigsuod niadtong nahigugma niya.
Dili na membro sa bisan unsang grupo sa politika o bakak nga relihiyon.
Nagkinabuhi subay sa mga sukdanan ni Jehova ug gustong mahimong Saksi ni Jehova.
Kon gibati nimo nga andam na kang mosangyaw uban sa kongregasyon, mahimong hikayon sa nag-Bible study nimo nga maestorya ka sa mga ansiyano aron hisgotan kon sa unsang paagi ka mahimong kuwalipikado.
Andam na ba Kong Magpabawtismo?
Andam na kang magpabawtismo kon ikaw . . .
Usa na ka dili bawtismadong magmamantala.
Regular nga nakigbahin sa buluhatong pagsangyaw kutob sa imong maarangan.
Nagsuportar ug nagsunod sa mga instruksiyon sa “matinumanon ug maalamong ulipon.”—Mateo 24:45-47.
Nagpahinungod na sa imong kaugalingon kang Jehova pinaagi sa pag-ampo ug gusto nang moalagad niya hangtod sa hangtod.
Kon gibati nimo nga andam na kang magpabawtismo, mahimong hikayon sa nag-Bible study nimo nga maestorya ka sa mga ansiyano aron hisgotan kon sa unsang paagi ka mahimong kuwalipikado.