Gigikanan sa mga Nasod

ANG tanang katawhan naggikan sa unang tawhanong paris, si Adan ug Eva. (Gen 1:28; 3:20; 5:1, 2) Human sa Lunop, ang bag-ong populasyon sa yuta, lakip ang tanang rasa ug nasodnong mga pundok sa yuta karong adlawa, naggikan kang Noe pinaagi sa iyang tulo ka anak nga lalaki ug sa ilang mga asawa nga naluwas sa tibuok-globo nga Lunop. Busa, human itala ang 70 ka anak sa mga anak nga lalaki ni Noe, ang asoy sa Genesis nag-ingon: “Gikan niini nila ang mga nasod mikaylap sa yuta.”—Gen 10:32.