BIKAT-AVEN

[Patag sa Walog sa Pagkamadaoton (Makadaot)].

Usa ka dapit o patag sa walog nga kauban sa Damasco ug Bet-eden diha sa tagna ni Jehova pinaagi kang Amos nga nagtagna sa pagkadestiyero sa katawhan sa Sirya. (Am 1:5) Tungod kay walay bisan unsang rekord sa usa ka siyudad o lungsod sa Sirya nga ginganlan nianang ngalana, gihunahuna sa pipila ka eskolar nga ang Bikat-aven mao ang Walog sa Beqaʽ tali sa kabukiran sa Lebanon ug sa Anti-Lebanon. Ang gitagnang pagpuo sa mga molupyo sa Bikat-aven dayag nga nahitabo tungod kay gisakop sa Asiryanhon nga si Haring Tiglat-pileser III ang Sirya.​—2Ha 16:​9, 10.