DARIK

Usa ka Persianhong sensilyo nga bulawan nga motimbang ug 8.4 g ug busa karong adlawa mokantidad ug $94.50. Ang atubangang bahin sa darik nga gigamit ingong sensilyo sulod sa duha ka siglo sukad sa ulahing bahin sa ikaunom nga siglo W.K.P. adunay kinulit nga hulagway sa usa ka hari nga nagluhod ang usa ka tuhod, nga may bangkaw diha sa iyang tuong kamot ug usa ka pana sa iyang wala. Ang likod nga bahin sa sensilyo gimarkahan ug oblong nga marka. Sa 1 Cronicas 29:7 ang usa sa mga kantidad nga gigamit alang sa mga amot sa templo sa panahon sa paghari ni David maoy mga darik, bisan tuod ang Persianhong darik wala pa mahibaloi sa panahon ni David. Dayag nga ang magsusulat sa Mga Cronicas nag-ilis sa orihinal nga termino ngadto sa mga termino nga gigamit niadtong panahona ug pamilyar sa iyang mga magbabasa.​—Esd 8:27.