Repaso sa Teokratikanhong Tunghaan sa Ministeryo
Ang mosunod nga mga pangutana pagatagdon sa Teokratikanhong Tunghaan sa Ministeryo sa semana nga magsugod sa Abril 26, 2010. Dumalahon sa magtatan-aw sa tunghaan ang 20-minutos nga repaso pinasukad sa mga asaynment nga gikobrehan sa mga semana sa Marso 1 hangtod Abril 26, 2010.
1. Unsay gipasabot ni Noemi sa mga pulong nga ‘si Jehova ang nagpaubos kanako ug ang Labing Gamhanan ang nagpahinabo ug katalagman kanako’? (Ruth 1:21) [w05 3/1 p. 27 par. 1]
2. Unsang mga hiyas ang nakapahimo kang Ruth nga “maayo kaayo nga babaye”? (Ruth 3:11) [w05 3/1 p. 28 par. 6]
3. Sa unsang paagi nakapalig-on sa asawa ni Elkana ang iyang mga pulong nga “dili ba ako labi pang maayo alang kanimo kay sa napulo ka anak nga lalaki”? (1 Sam. 1:8) [w90 3/15 p. 27 par. 5-6]
4. Nganong sayop nga ang Israel nangayog usa ka hari? (1 Sam. 8:5) [w05 9/15 p. 20, par. 17; it-2 p. 163 par. 1]
5. Sa unsang paagi si Samuel, bisag “tigulang ug ubanon na,” nahimong sulondan sa pag-ampo alang sa kaayohan sa uban, ug unsay gipasiugda niini? (1 Sam. 12:2, 23) [w07 6/1 p. 29 par. 14-15]
6. Nganong gipakitaan ni Saul ug linaing pagtagad ang mga Kenihanon? (1 Sam. 15:6) [w05 3/15 p. 22 par. 10]
7. Nganong si Saul nakapangutana man kang David, “Kinsang anak ka man, dong?” (1 Sam. 17:58) [w07 8/1 p. 31 par. 3, 5]
8. Unsay atong makat-onan sa paagi sa pagsagubang ni David sa usa ka seryosong problema sa Gath? (1 Sam. 21:12, 13) [w05 3/15 p. 24 par. 4]
9. Sa unsang paagi nadayag ang gugma ug pagkamapainubsanon ni Jonatan sa dihang ang iyang higalang si David nagkinahanglag pagpaluyo ug pagpalig-on? (1 Sam. 23:17) [lv p. 28 par. 10, potnot]
10. Unsang leksiyon ang atong makat-onan gikan sa pagpakigkita ni Saul sa usa ka espiritista sa En-dor? (1 Sam. 28:8-19) [w05 3/15 p. 24 par. 7]