Repaso sa Teokratikanhong Tunghaan sa Ministeryo
Ang mosunod nga mga pangutana hisgotan sa Teokratikanhong Tunghaan sa Ministeryo sa semana nga magsugod sa Hunyo 29, 2015. Gilakip ang petsa diin gieskedyul ang panaghisgot sa matag punto aron makapanukiduki dihang mangandam alang sa tunghaan sa matag semana.
Unsay sayop sa paagi sa pagpakigsulti ni Mikal kang David, ug unsay makat-onan sa mga magtiayon niini nga asoy? (2 Sam. 6:20-23) [Mayo 11, w11 8/1 p. 12 par. 2]
Unsay reaksiyon ni propeta Natan dihang gibadlong siya ni Jehova sa iyang pagsuportar sa plano ni David nga magtukod ug templo para kang Jehova? (2 Sam. 7:2, 3) [Mayo 11, w12 2/15 p. 24 par. 6–p. 25 par. 1]
Imbes sukmatan dayon si David sa iyang bug-at nga sala, nganong naggamit pa man si Natan ug ilustrasyon, nga mabasa sa 2 Samuel 12:1-7? Nganong makatabang ni nga asoy aron mahimo tang mas maayong magtutudlo? [Mayo 18, w12 2/15 p. 24 par. 2-3]
Nganong nalimbongan ni Absalom ang mga Israelinhon, ug unsay atong mahimo aron dili ta mabiktima sa “mga Absalom” karon? (2 Sam. 15:6) [Mayo 25, w12 7/15 p. 13 par. 7]
Sa unsang paagi gitagan-an ni Jehova si David panahon sa iyang kalisdanan, ug unsay atong makat-onan niini? (2 Sam. 17:27-29) [Hun. 1, w08 9/15 p. 5 par. 15–p. 6 par. 16]
Unsay atong makat-onan sa pagtratar ni David sa langyawng si Itai? (2 Sam. 18:2) [Hun. 1, w09 5/15 p. 27 par. 7]
Unsay makat-onan sa edarang mga igsoon sa panig-ingnan ni Barzilai? (2 Sam. 19:33-35) [Hun. 8, w07 7/15 p. 15 par. 1-2]
Nganong ang gisulti ni David bahin sa pagkamaunongon makapadasig sa mga alagad ni Jehova karon? (2 Sam. 22:26) [Hun. 15, w10 6/1 p. 26 par. 6-7]
Giunsa pagpakita ni Natan ang iyang pagkamaunongon sa Diyos, ug unsaon nato kana pagsundog karon? (1 Hari 1:11-14) [Hun. 22, w12 2/15 p. 25 par. 2, 5-6]
Sa unsang mga kahimtang mahimong mangatarongan ang alagad sa Diyos aron makalusot sa mga balaod sa Diyos, sama sa gihimo ni Solomon? (1 Hari 3:1) [Hun. 29, w11 12/15 p. 10 par. 12-14]