CHʼOK YEʼJUNʼ 9

¿Kámba kʼin u je te pitsilan u pete ni Kaʼb?

Ni kosajob ke a kɨ chinenla bada yo u yeleʼ ke ni Reinu nɨtsʼe yaʼan (Lucas 21:10, 11; 2 Timoteo 3:2-5)

Ni kosajob mach uts ke yaʼan tɨ nume tu xupibá kʼinob, ni gente u chen alas por takʼin, u chenob buya tʼo otro kajob, ni gente u kʼojolanob, yaʼanob tʼo jitsʼo, ni bijchʼok mach u tsʼonbejob u tʼan u papob i ni gente u chenob buya

Desde ojni ni Biblia u yeli de u kʼenan kosa ke anonla kɨ chinenla bada. U yeli ke bijchʼok mach u je u tsʼonben u papob i ke ni personajoʼb u je u chenob xuxle, i ke u je u yajinob ni takʼin i u je u chenob lu ke u yolínob.

Cheʼchi, u yeli ke u je u niken-uba ni Kaʼb, i u je tɨ ane guerras, cheʼchi ni jitsʼo i u kʼenan yájob. I kaini yaʼan te numé jimba kʼin da.

Untú aj testigu tuba Jehová u yeʼben ni pitsil tʼanob de ni Reinu untú winik

Aj Jesús u yeli ke ni tsʼají utʼs de ni Reinu tuba Dios u je tɨ tsʼajkinte tan u pete Kaʼb (Mateo 24:14).

Ni Reinu tuba Dios u je u tsupsem u pete xuxle (2 Pedro 3:13)

U tsupsinte ni a xuxléjob tɨ Armagedón i de yai u je tɨ tsupsinte aj Satanás i u demoniojob

Tsʼitaʼ tiempu u koloban ke aj Jehová u je u laj tsupsem ni gente a xuxle.

Aj Satanás i ni u demoniojob u je tɨ tsupsínte.

Aj Jesús u chen goberná tɨ cielu. Ni gente de u pete kajob u chʼajalan u jinob

Ni personajoʼb ke u tsʼonbenob ni Dios u je te kuxlejob pan Kaʼb u kʼenan tʼo yajinlé, cheʼchi tʼo paz i tʼo justicia, ni untú u je te bɨkʼtan. I u pete u je u chen konfía de u lotob.