Chon Ataielo Ekkewe Ira

MI AUCHEA ekkewe ira lon fansoun Paipel. Awewe chok, lupwen Eperiam a mooni eu leenien peias fan iten puluwan we mi achengicheng Sara, ekkewe ira mi kapachelong lon ewe kamo.​—Keneses 23:15-18.

Pwal ussun we chok ikenai, ekkewe ira mi kkon auchea me muun fonufan ra nengenifichi tumunuun ekkewe woulap. Ewe puk State of the World 1998 a apasa: “Aramas lon ekkewe fonuen enefen mi patapat ra lolileniesini ekkewe woulap lon ekkewe fonu mi pwichikar, nge rese silei pwe ekkewe woulap lon pwisin fonuer mi fen watte feiengauan lap seni ekkewe woulap lon ekkewe fonu mi pwichikar.” Met a kon efeiengaua ekkkewe woulap lon ekkena fonu Iurop me Merika? Chommong ra atipisi ekkewe aramas ren taloon ekkewe woulap, nge mei pwal wor ekkoch minen efeiengau ra ekis me ekis ataielo ekkewe woulap. Met ekkena? Limengauen asapwal me pungun ran mi poison. Ekkeei limengau ra apwangapwangalo ekkewe ira ekis me ekis pwe resap tongeni fiu ngeni ekkewe man are semmwen.

Ren fite fite ier, chon tumunu fonufan ra fen ourourakich ussun lamoten ach sipwe tumunu kokkotun fonuen fonufan. Lefilen 1980 me 1990, ekkoch scientist lon Tois ra kaeo ewe feiengau seni limengauen asapwal me pungun ran mi poison won fonufan. Mwirin ra apungalo: ‘Ika rese pwakini ei osukosuk orun ei ier 2000, aramas repwe ingeiti amwararen ekkewe woulap lon sasing are kachito chok.’ Kilisou ngeni manamanen an fonufan tufichin pwisin forsefal pwe a tongeni apolua ekkewe feiengau.

Iwe nge, Kot chok mi tongeni unusen tumunu pwe epwe nomottam leeniach we. “Ka achochonu ekkewe chuk seni om we leeni mi tekia” me “amarata ekkewe fetin fan asengesin ekkewe kou, pwal ekkewe ira pwe aramas repwe tumunu.” A pwal pwonei pwe epwe “atai ekkewe chon atailo fonufan.” (Kol Fel 104:13, 14; Pwarata 11:18) A ifa me watteen amwararen ewe fansoun aramasen fonufan repwe pwapwaiti eu fonufan mi unusen limelimoch tori feilfeilo!​—Kol Fel 37:9-11.