Fansoun Mongo Esap Chok Eu Fansoun Sipwe Mongo! M
EINISIN ra pwapwaiti mongo mi anno. Lupwen ewe fansoun mongo a kapachelong porausfengen me atongach kewe a eu fansoun apwapwa. Chommong famili ra eoranalo ar repwe chufengen fan eu lon eu ran ren ar repwe mongofengen. Fansoun mongofengen a awora an ewe famili fansoun ar repwe fosfengen won porausen ewe ran. An sam me in auseling ngeni an nour kewe poraus epwe alisata ar silei ekiekin me meefien nour kewe. Lo, lo, lo, ewe pwapwaan chiechifengen atun ewe mongofengen epwe tongeni efisata lukuluk me tong me epwe anukuchara ewe kumiin famili.
Ikenai, pokiten chommong famili ra osukosuk me ra feilfetal iteitan, a weires ar mongofengen. Me ren eorenien ekkoch fonu a ngau an famili mongofengen are fosfengen atun ra mongo. Ekkoch famili ra eoranalo ar katol TV atun ra mongo, me a solani seniir ewe fansoun ita repwe tongeni popporausfengen.
Iwe nge, ekkewe sam me in Chon Kraist repwe kukkutta ifa ussun repwe tongeni apochokkulata ar famili. (An Salomon Fos 24:27) Lon ewe fansoun loom, Kot a fonou ekkewe sam me in pwe ewe fansoun mi och seni meinisin pwe repwe aiti ngeni nour kewe ewe Kapasen Kot ina ewe fansoun ‘lupwen ra mot lon imwer.’ (Tuteronomi 6:7) Ar mommotfengen atun mongo a atufichi ekkewe sam me in le fotukalong lon letipen nour kewe ewe tong mi alolloon ngeni Jiowa me an kewe alluk. Ren ach amaaraata pwapwa me chiechioch, ewe fansoun mongo epwe wiliiti eu fansoun apwapwa me apochokkul ngeni om famili. Ewer, ewe fansoun mongo esap chok eu fansoun ach sipwe mongo!
[Lios lon pekin taropwe 32]
KOPWE ETIWA IKA EMON EPWE CHUURUK?
Pwal mwo nge lon ei fonufan mi ur ren fitikoko, kopwe tongeni kuna pwapwa seni om silelo ewe enlet ussun Kot lon ewe Paipel, an we Muu me an kewe kokkot mi murinno fan iten aramas. Ika kopwe etiwa pwal ekkoch poraus are ka mochen emon epwe kaeo ngonuk lon ewe Paipel, nge ese pwal kamo, kese mochen kopwe mak ngeni Jehovah’s Witnesses, 143 Jehovah Street, Barrigada, Guam 96913, are ngeni P.O. Box 7, Chuuk, FM, 96942.