ÁN PAIPEL KEWE KAPAS EIS RA PÉLÚ

Pwata Jesus a iteni Néún Kot?

Ese wor wesewesen pwúlúwen Kot an epwe tongeni wor néún kewe me wóón. I Populapen manaw meinisin. Aramas ra ffér pwe repwe tufichin napanapeni napanapen Kot kewe. Ina popun Atam, ewe áeménún aramas Kot a féri, a iteni “nöün Kot.” Pwal ina chék usun ren Jesus, i a iteni “Nöün Kot” pokiten lupwen Kot a fératá a nóm ren napanapen Kot kewe.​—Álleani Lukas 3:38; Johannes 1:14, 49.

Ineet Kot a fératá Jesus?

Kot a fératá Jesus me mwen an fératá Atam. Ren enletin, Kot a fératá Jesus akkomw, mwirin a néúnéú Jesus le féri mettóch meinisin kapachelong ekkewe chónláng. Ina popun me ren ewe Paipel, Jesus i “mwänichi” me lein férien Kot kewe meinisin.​—Álleani Kolose 1:15, 16.

Mwen án Jesus uputiw lón Petleem, i emén chónláng lón láng. Iwe lupwen a tori ewe fansoun an epwe manaw fénúfan, Kot a waalong manawan we lón láng lón luken Maria pwe epwe tongeni oupwatiw Jesus usun emén aramas.​—Álleani Lukas 1:30-32; Johannes 6:38; 8:23.

Met popun Kot a féri pwe Jesus epwe uputiw wóón fénúfan usun emén aramas? Ifa wisen Jesus we mi aúchea a apwénúetá? Ka tongeni kúna pélúwen ekkeei kapas eis me lón ewe Paipel, me repwe fókkun alapaaló óm weweiti me aúcheani met Kot me Jesus ra féri fán ásengesum.