Hiop A Amwéchú Pwúngún Enletin An Tuppwél fán Sóssót

Hiop a nónnóm lón ewe fénú Us atun ekkewe chón Israel ra eoló Isip. Inaamwo ika Hiop esap chón Israel nge i emén chón fel ngeni Jiowa mi tuppwél. I emén mi watte an famili, mi pisekisek me a iteféúló lón leenian we. I emén soufén me soukapwúng mi múrinné. I emén mi kisáseú ngeni ekkewe mi mwelele me osupwang. Hiop emén mi kamwéchúnnúk wóón pwúngún enletin an tuppwél.

Hiop a wesewesen pwári pwe Jiowa i ewe Emén mi fókkun aúchea lón manawan

1:8-11, 22; 2:2-5

• Satan a kúna án Hiop pwúngún enletin tuppwél. A silei pwe Hiop a álleasochis ngeni Jiowa; nge a tipemwaramwareiti ewe popun Hiop a álleasochis

• Satan a erá pwe Hiop a angang ngeni Jiowa pokiten ekkewe feiéch epwe angei seni

• Ren an epwe wor pélúwan án Satan na tipimwáál, Jiowa a esen ngeni Satan an epwe eriáfféwú ewe mwán mi tuppwél. Satan a atoto watteen riáfféú lón meinisin kinikinin manawen Hiop

• Lupwen Hiop a amwéchú pwúngún enletin an tuppwél, Satan a tipemwaramwar usun án aramas meinisin pwúngún enletin tuppwél

• Hiop ese tipis are tipi ngeni Kot pwe a féri mettóch mi mwáál