Hiop ewe mi Tuppwél A Pwáraawu An Riáfféú

Hiop a riáfféú, a chúúpwúl, me a úri semmwen mi chou, nge mi chék amwéchú an tuppwél. Iwe, Satan a sótun áeá lichippúng ren an epwe atai án Hiop pwúngún enletin tuppwél. Úlúmén chienan ra war. Akkomw, ra tipitipin tongeei. Mwirin, ra mómmóót ren Hiop fisu rán nge rese mwo nge mwaren awora eú kapasen ouruur ngeni. Mwirin, ra fós nge ar fós a uren kirikiringaw me tipimwáál.

Hiop a amwéchú an tuppwél fán weires mi lululó

6:3; 7:16; 9:20-22; 10:1, 12

• Chúúpwúl a efisi án Hiop epwe eáni ekiek ese pwúng. A mwáálliló le apwúngaló pwe Kot ese áfánni ika a amwéchú an tuppwél ngeni

• Pokiten lichippúng, Hiop ese chúen ekieki pwe eli a pwal wor ekkóch popun an a riáfféú

• Inaamwo ika a fókkun letipeta nge Hiop a ereni chókkewe mi tipimwáál ngeni usun an tong ngeni Jiowa