Ámúrinnééló Tufichich lón ewe Angangen Afalafal​—Achchúngú Letipen Aramas ren ewe Oupwe Chék Nóm lón ewe Tongen Kot

PWATA A LAMOT: A lamot ngeni aramas ar repwe káé án Jiowa kewe allúk me apwénúretá ren án Jiowa epwe etiwer. (Ais 2:3, 4) Ewe Tongen Kot, ina ewe oruuen puk sia káé ngeni aramas, epwe álisiir le silei ifa usun án Jiowa kewe kapasen emmwen usun minne mi pwúng me mwáál a aúchea ngeni manawer iteiten rán. (Ip 5:14) Sipwe achocho le achchúngú letiper atun sia káé ngeniir pwe repwe eáni eú letip mi múrinné pwe repwe mwékút le ekkesiwili manawer.​—Ro 6:17.

USUN ACH FÉRI:

• Ammólnafichi met epwe múrinné ngeni ewe chón káé. Ammólnatá ekkóch kapas eis repwe álisi le uwawu an ekiek me meefian usun ewe lesen.​—SF 20:5; be-E 259

• Néúnéú masouen ekkewe pwóór le álisi noum chón káé pwe epwe mirititi lamoten an epwe apwénúetá án Paipel kewe kapasen emmwen

• Álisi noum chón káé an epwe anganga mwelien letipan atun a féri kefil nge kosap wisen féri ewe kefil fán itan.​—Kal 6:5

• Fán súfél, álisi noum chón káé are mi lamot ngeni an epwe apwénúetá och kapasen emmwen lón Paipel. Pesei fán kirekiréch pwe an féri ekkesiwil epwe lóngólóng wóón an tongei Jiowa.​—SF 27:11; Jo 14:31