Aronga ewe Ierin án Jiowa Chen

“Ierin än Samol mi Lapalap chen” esap wesewesen eú ier

61:1, 2

• Iei eú fansoun a suuk ngeni chón tipetekison pwe repwe etiwa án Jiowa esilesil fán iten ngaseló

• Lón fansoun ekkewe aposel, poputáán ewe ierin chen a fis atun Jesus a poputá an we angangen afalafal lón 29 C.E. me a much lón ‘ewe ränin än Jiowa apwüng’ ewe atun Jerusalem a taló lón 70 C.E.

• Lón ach ei fansoun, ewe ierin chen a poputá atun Jesus a nemenem lón láng lón 1914 me epwe much lón ewe riáfféú mi lapalap

Jiowa a efeiéchú néún kewe aramas ren ekkewe ‘irä . . . mi föri mine a pwüng’

61:3, 4

• Ekkewe irá mi kon ttam seni meinisin wóón unusen fénúfan ra kan máár lón ekkewe wollap, ikewe ie efóch m efóch irá ra máréchfengen ie

• Eli waran kewe mi kon éúmmóng ra nikofitfengen, iwe a álisi ekkewe irá ar repwe núk me resap mwittir turuló ika a fis mélúmél

• Ekkewe irá mi ttam a wor núrúúr mi awora ngeni ekkewe irá mi kerán pwúk, me ámúrinnééló ewe pwúl fan ren chéén kewe mi mworetiw

Meinisin chóchóón ekkewe mwichefelin Chón Kraist wóón fénúfan unus ra kúna feiéch seni ewe álillis me túmún seni ekkewe ‘irä . . . mi föri mine a pwüng,’ weween ekkewe lusun mi kepit