Ámúrinnééló Tufichich lón ewe Angangen Afalafal​—Néúnéúfichiin Kapas Eis

PWATA A LAMOT: Ika “ekiekin letipen eman aramas a usun chök koluk mi alolol,” iwe kapas eis a usun eú pwekit mi tongeni úfietá. (SF 20:5). Kapas eis a álisikich ren án ekkewe chón aúselingakich repwe anganga ar ekiek me uwawu meefier. Sipwe filiéchú ewe kapas eis sipwe eáni pwe pélúwan a lamot ren ach sipwe tongeni silei ifa usun sipwe awora álillis. Jesus a néúnéúfichi kapas eis. Ifa usun sipwe áppirú i?

USUN ACH FÉRI:

• Kapas eis pwe epwe uwawu meefian. Jesus a eáni fitu kapas eis pwe epwe silei met meefien néún kewe chón káé. (Mat 16:13-16; be-E 238 ¶3-5) Ikkefa ekkewe kapas eis ka tongeni eis pwe kopwe silei meefien ewe chón aúseling?

• Kapas eis pwe epwe eáni ekiek pwúng. Jesus a kapas eis me pwal awora ekkóch pélúwan pwe epwe áwena án Petrus ekiek pwe epwe mirititi met mi pwúng. (Mat 17:24-26) Ikkefa ekkóch kapas eis kopwe eisini emén pwe epwe tongeni pwisin ekieki me mirititi met mi pwúng?

• Apúnga chón aúselingok. Mwirin án emén senseen allúk “tipachem le pölüeni” i, Jesus a apúnga. (Mar 12:34) Ifa usun kopwe apúnga emén e pélúweni óm kapas eis?

AKKOMW KATOL EWE ÁEÚIN KINIKIN LÓN EWE VIDEO DO THE WORK THAT JESUS DID​—TEACH, MWIRIN PÉLÚWENI EKKEEI KAPAS EIS:

• Inaamwo ika mi pwúng met ewe chón afalafal a asukula nge pwata sisap áppirú?

• Pwata a lamot sipwe pwal féri och me lúkún ach chék áweweei ewe pwóróus?

KATOL EWE ORUUEN KINIKIN LÓN EWE VIDEO, ME PÉLÚWENI EKKEEI KAPAS EIS:

• Ifa usun ewe chón afalafal a néúnéúfichi kapas eis?

• Ikkefa pwal ekkóch napanapen an we asukul a múrinné sipwe áppirú?