Köl 16 (37)

Sipwe Kutta Ach Sipwe Itoch Me Ren Kot

(Än Salomon Afalafal 7:⁠1)

1. Itochuch mwen Kot

Sia mmen tipeni.

Fansoun meinisin

Apwapwai I akkom.

Itochuch mwen mesan,

Ussun sa weweiti,

Sipwe mwo kutta;

Ina wisach.

2. Ach kapas, foffor

Epwe aitochukich.

Sa kutta ena,

Pwe ina letipach.

Ika Kot a akkom

Sipwe aitochukich.

Iwe an feioch

Epwe to rech.

3. Sa kutta itoch

Ren ach akkomwa Kot

Fansoun sa manau.

Ei mettoch a lamot.

Sa peni an Kapas

Me achocho ngeni

Ach alinga I,

Epwe nom rech.

4. Ekkeei ran mi ngau,

Me sipwe tumunu

Pwe sipwe itoch

Me ren Jiowa Kot.

Eani foffor mi pwung,

Fetalfoch lon saram,

Esilei Muun we

Fan tinikken.