KÉL 75
“Ngang Iei! Tiinieilo”
(Aisea 6:8)
1. Aramas ra eitengawa
Iten Jiowa we mi pin.
Ra erá a arochongaw.
Ra erá pwe “ese wor Kot.”
Ié epwe feiló eitéchú?
Ié epwe mwareiti itan?
(CHORUS 1)
‘Kot, ngang iei! Tiinieilo.
Upwe lo eitéchú itom.
Ina eú wis mi aúchea, Kot.
Ngang iei! Tiinieilo.’
2. Aramas ra erá pwe Kot;
A mmang; rese niweiti i.
Ra pwal fel ngeni ululun;
Ekkóch ra eáni kot Sisar.
Ié epwe ereni mi ngaw,
Usun kkanotoon án Kot maun?
(CHORUS 2)
‘Kot, ngang iei! Tiinieilo.
Upwe pworacho le kapas;
Ina eú wis mi aúchea, Kot.
Ngang iei! Tiinieilo.’
3. Iei iir mi mosonoson
Ra riáfféú me lólilen.
Ra kúkkútta ewe enlet
Mi ekinamwei letipach.
Ié epwe feiló oururuur,
Me álisiir le kútta pwúng?
(CHORUS 3)
‘Kot, ngang iei! Tiinieilo.
Upwe mosonottam ngeniir;
Ina eú wis mi aúchea, Kot.
Ngang iei! Tiinieilo.’
(Pwal ppii Kölf. 10:4; Is. 9:4.)