LESEN 52
Pwata mi Lamot Sipwe Túmúnú Napanapen Úfach me Foutach?
Kich meinisin sia kan sani le filaatá met sipwe úféúf me afouta ngenikich. Ika sia álleasochisi ekkóch án Paipel kewe kapasen emmwen, sipwe tongeni úféúf met chék sia mochen nge epwe chúen apwapwaai Jiowa. Iei sipwele ppii ekkóch ekkena kapasen emmwen.
1. Ikkefa ekkewe kapasen emmwen epwe álisikich le filatá úfach me foutach?
A lamot ach sipwe filatá le úféúf ekkewe “úf mi ésúfél, ekkewe ese ássáw, me ekkewe mi pwáári mirit,” me sipwe limeliméch pwe ekkewe ekkóch ra tongeni kúna pwe kich chón “fel ngeni Kot.” (1 Timoty 2:9, 10, NW) Sipwe ppii ekkeei rúáánú kapasen emmwen: (1) A lamot pwe úfach epwe “ésúfél.” Usun met ka fen kúna me lón ekkewe mwich, a sókkofesen úfen emén me emén néún Jiowa kewe aramas, nge úfer me stylin mékúrer a pwári pwe ra súféliti ewe Kot ra fel ngeni. (2) Ach úféúf ekkewe úf “ese ássáw,” a wewe ngeni ach sisap úféúf ekkewe úf mi amocheniatáái ekkewe ekkóch are efisi án aramas repwe kon áfánnikich. (3) Sia “pwáári mirit” ren ach sisap chék fitaaló ekkewe sókkun stylin úf me fout mi chéú lón eú me eú atun. (4) Fansoun meinisin a lamot pwe foutach epwe pwári pwe kich chón “fel ngeni Kot,” iwe aramas repwe esilla pwe sia fel ngeni ewe Kot mi enlet.—1 Korint 10:31.
2. Pwata a lamot ach sipwe ekieki pwiich kewe Chón Kraist atun sia filatá met sipwe úféúf?
A mumu ngenikich ach sipwe úféúf met chék sia mochen, nge a pwal lamot ach sipwe ekieki meefien ekkewe ekkóch usun. Sia achocho úkúkún ach tufich ach sisap áchepeteki ekkewe ekkóch, nge sipwe fen féri met “repwe pwapwa o feiöch ren, pwe repwe fefeitä lon ar lükülük.”—Álleani Rom 15:1, 2.
3. Ifa usun napanapen úfach a tongeni efisi án aramas mochen káé usun Jiowa?
Fansoun meinisin sia achocho le úféúf úf mi ésúfél, nge ákkáeúin atun sia fiti ach kewe mwich me ewe angangen afalafal. Sise mochen pwe napanapen úfach me foutach epwe erikaló ekiekin aramas seni ar rong ewe pwóróus allim. Nge sia fen mochen lukiireto ngeni ewe Kot sia fel ngeni me “aitöchü ewe angangen asukul usun Kot ach Chon Amanau.”—Titus 2:10.
KÚTTAFICHI
Ppii ifa usun sia tongeni túmúnú pwe napanapen úfach me foutach epwe álisi aramas le kúna pwe kich Chón Kraist.
Napanapen foutach a tongeni pwári ika sia súféliti chókkewe mi wor wiser lón mwú. Inaamwo ika Jiowa a kúna masouen letipach, nge mi lamot pwe napanapen foutach epwe pwal pwári pwe sia súféliti
4. Fout mi ésúfél a elingaaló Jiowa
Ifa ewe akkaúchean popun sia túmúnú napanapen úfach me foutach? Álleani Kölfel 47:2, me mwirin pwóróusfengen wóón ekkeei kapas eis:
Pokiten kich chón tupuni Jiowa, itá epwe ifa ach kefil wóón úfach?
Óm ekiek nge mi pwúng ach sipwe túmúnú úfach me foutach atun sia fiti ach kewe mwich me ewe angangen afalafal? Pwata ka erá ena?
5. Met epwe álisikich lón kefilin úfach me foutach?
Ese lifilifil ika a mémmóng are mékúkkún úfach, nge a lamot ar repwe limeliméch me fich ngeni eú me eú fansoun. Álleani 1 Korint 10:24 me 1 Timoty 2:9, 10. Mwirin, pwóróusfengen ika pwata sisap úféúf ekkewe sókkun úf . . .
mi nikápwesepwes are ese ésúfél.
mi tikak, pwáraaló inisich, are amocheniatáái emén.
Inaamwo ika Chón Kraist rese chúen nóm fán ewe Allúkún Moses, nge a pwári ekiekin Jiowa wóón chómmóng mettóch. Álleani Tuteronomi 22:5, me mwirin pwóróusfengen wóón ei kapas eis:
Pwata sisap foffout are úféúf ekkewe sókkun úf mi efisi án mwán repwe napanapen fefin are án fefin repwe napanapen mwán?
Álleani 1 Korint 10:32, 33 me 1 Johannes 2:15, 16, me mwirin pwóróusfengen wóón ei kapas eis:
Pwata a lamot ach sipwe ekieki ika úfach me foutach a áchepeteki chón lón leeniach we are chón ach we mwichefel?
Met sókkun stylin úf me fout a kon chéú lón leeniom we?
Óm ekiek nge mi fich ngeni Chón Kraist ena sókkun stylin úf? Pwata ka erá ena?
Sia tongeni foffout sókkopaten fout nge pwal chúen apwapwaai Jiowa
EKKÓCH RA ERÁ: “A wor ai pwúúng le úféúf met chék ua mochen.”
Ka tipeeú ngeni ena? Pwata ka erá ena?
MENLAPAN
Atun sia eáni kefil mi múrinné wóón úfach me foutach, sia pwári pwe sia asamolu Jiowa me ekkewe ekkóch.
Enniwili
Pwata a aúchea me ren Jiowa ach kefil wóón úfach me foutach?
Ikkefa ekkóch kapasen emmwen epwe álisikich wóón kefilin úfach me foutach?
Met aramas repwe ekieki usun ewe fel mi enlet atun repwe kúna napanapen úfach me foutach?
PWAL EKKÓCH PWÓRÓUS
Ppii met ekkewe ekkóch repwe ekieki usum atun ra kúna met sókkun úf ka úféúf.
Ppii pwata a mmen lamot óm kopwe ekiek me mwen óm kopwe tattoo.
Ppii pwal ekkóch kapasen emmwen epwe tongeni álisuk lón óm kefil.
“Napanapen Úfom A Elingaaló Kot?” (Ewe Leenien Mas, September 2016)
Ifa usun emén fefin mi mochen apwapwaai Kot a káé le eáni ekiek mi pwúng usun án ekkewe ekkóch kefil wóón úfer me fouter?
“Dress and Grooming Was My Stumbling Block” (Awake!, December 22, 2003)