POPUTÁÁNI EÚ PWÓRÓUSFENGEN
LESEN 4
Tipetekison
Kapasen Emmwen: “Fán tipetekison oupwe ekieki pwe ekkewe ekkóch ra tekia senikemi.”—Fil. 2:3.
Minne Paul A Féri
1. Katol ei VIDEO, are álleani Féffér 26:2, 3. Mwirin pwóróusfengen wóón ekkeei kapas eis:
Ifa ussun Paul a pwáári tipetekison lón an fós ngeni King Akripa?
Met Paul a féri pwe ekkewe chón aúseling repwe mwaar ren ekkewe Taropwe mi Pin me Jiowa nge resap fen mwaar ren?—Ppii Féffér 26:22.
Met Sia Káé Seni Paul?
2. Aramas repwe kon sani le aúseling ach afalafal iká sia fós fán tipetekison me súfél.
Áppirú Paul
3. Kosap lamalamtekia. Kosap ámmeef ngeni ewe emén pwe ka silei mettóch meinisin nge i ese silei och mettóch. Fós ngeni fán súfél.
4. Affata pwe minne ka eáni asukul a feito seni lón Paipel. Án Kot we Kapas a tongeni achchúngú ekiekin me letipen aramas. Atun sia néúnéú ewe Paipel, sia álisiir ar repwe alónga ar lúkú wóón án Kot Kapas.
5. Kopwe mosonoson. Kosap péchéú le ánneta pwe mi pwúng met ka apasa. Sise mochen ánini. Pwáári tipetekison ren óm mosonoson me iká mi lamot, kopwe ló seni ewe emén. (SalF. 17:14; Tait. 3:2) Iká kopwe fós fán pwetete, ese mwáál ena emén epwe mochen aúseling ngeni ach afalafal lón pwal eú fansoun.