Ewe Popun A Pöütülo ewe Paratis

Kapasen Emmwen: Kopwe föri ei lesen lon eü leeni mi kinamwe. Atun kopwe älleani ekkeei wokisin, anchangei mwo pwe itä en mi nonnom lon ena atun. Ka küna met a fis. Ka rongorong leüwen aramas. Ka meefi meefien ekkewe aramas. Anchangei pwe a wesewesen fis ena pworaus.

EKIPWICHI MET A FIS.​—ÄLLEANI KENESES 3:1-24.

Om ekiek nge met meefien If lupwen ewe serepenit a kerän fos ngeni?

․․․․․

Chechchemeni mwo pwe Atam me If ra pwisin filatä le föri tipis. Nge epwe met meefier me ren minne a mak lon wokisin 7-10?

․․․․․

Me ren minne a mak lon in wokisin 22-24, sotun äweweei met a fis atun Atam me If ra katowu seni ewe mälämälen Ichen.

․․․․․

EKILONEI.

Ifa usun mesen If kewe ra emmwen ngeni an tur? (Älleasefäli wokisin 6.)

․․․․․

Pwata If a meefi pwe uwaan ewe irä “a mürina le mongö o apwapwai aramas le katol”? (Älleasefäli wokisin 4 me 5.)

Eli, met a amwökütü Atam le fiti If lon an tipis? (Älleasefäli wokisin 6.)

․․․․․

Ifa usun tipis a angawa ewe riri lefilen mwän me fefin lein ekkewe täppin aramas mwirin? (Älleasefäli wokisin 16.)

․․․․․

Met a affata pwe a fis tipefesen lefilen Atam me If pokiten ar tipis? (Älleasefäli wokisin 12.)

․․․․․

Met Jiowa a mwittir akkota le ataweei ena osukosuk fän iten an epwe asopwöchü an kokkot? (Älleasefäli wokisin 15.)

․․․․․

APWÖNÜETÄ MINNE KA FEN KÄEÖ. KOPWE MAKKETIW MINNE KA FEN KÄEÖ USUN . . .

Feiengawen pwisin nemenikich.

․․․․․

Ifa usun mesach ra tongeni efisatä mocheniaingaw.

․․․․․

Lamotongawen ach tipi ngeni ekkoch pwisin ach kewe föfförmwääl.

․․․․․

MENNI KINIKININ EI PWORAUS A FOKKUN LAMOT NGONUK, IWE, PWATA?

․․․․․