Met Sipwe Apasa Ussun Ekkewe Chassi

The Watchtower July 15

“Mäloon atongeach kewe a tongeni efisatä watteen letipechou. Om ekiek mei wor och kinikinin inisiir a chüen sopwosopwolo le manau? [Mut ngeni an epwe pölüeni.] Jises a ngenikich ei pwon mi apöchökküla kich. [Älleäni Jon 5:28, 29.] Pokiten Jises a apasa pwe ewe manausefäl ‘epwe feito,’ iwe ei chassi epwe aweweei ewe pworaus seni Paipel ika ia ekkewe mi mälo ra nonnom ia iei.”

Awake! July

“Kich aramas a wor ach tufichin pwisin filatä ren met nonnomun manauach nge ekkewe maan ese wor rer ena sokkun tufich. Met om ekiek, sipwe tongeni küna me ia emmwen mi mürinnö? [Mut ngeni an epwe pölüeni. Mwirin älleäni Kölfel 119:105.] Ei chassi epwe aweweei ussun ewe emmwen mi manaman a nom lon ewe Paipel.”

Ewe Leenien Mas July 2007

“Arapakkan iteiten rän a piitä ekkewe kapas eis ussun pöchökkülen inisich, ach famili, me ach angang. Om ekiek ia sipwe tongeni küna me ie pölüen ekkena kapas eis? [Mut ngeni an epwe pölüeni.] Nengeni met ewe Paipel a apasa lon 2 Timoti 3:16. [Älleäni.] Ei chassi epwe äiti ngeni kich ifa ussun ewe Paipel epwe fokkun älillisöch ngenikich. A kawor ekkei chassi ngeni meinisin mi mochen alapalo ar käeö ewe Paipel. Ika ka mochen awora ekis monien älillis ngeni ei angang woon unusen fönüfan, ua pwapwa le tinalo ena asor fän itom.”