Ka Fen Ammanga?

Met ka ammanga? Om amasoua ewe DPA (durable power of attorney) card mi kawor fän iten ekkewe Chon Pwarata Jiowa mi papatais. Pokiten “ouse mo sinei usun leesor,” a mmen lamot pwe kopwe filatä me mwan me makketiu lon taropwe ekkewe minen älillis lon pioing kopwe etiwa ika ka feiengaü watte. (Jem. 4:14; Fof. 15:28, 29) Ren an epwe älisuk, a kawor ewe cassette Transfusion-Alternative Health Care—Meeting Patient Needs and Rights (Ekkewe Minen Älillis Seni Pioing me Lükün IV Chcha mi Ataweei Osupwangen Ekkewe mi Semwen). Kopwe katol ewe cassette, iwe fiti iotek kopwe enniwili met ka käeö ren älillisin ekkewe kapas eis mi tettelitiu fan.—Chechchemeni: Sam me in repwe ekieki ika nöür kewe semirit repwe katol pokiten epwe fich an ekkewe tokter rei aramas.

(1) Met popun ekkoch tokter ra ekiek sefäl ussun IV chcha? (2) Apasa ülüngät sokkun reirei ekkewe tokter ra tongeni föri nge resap äeä chcha. (3) Fitemön tokter woon unusen fönüfan ra apasa pwe repwe älisi ekkewe mi semmwen nge resap äeä chcha? Met popun? (4) Met ekkewe käeö ussun pioing ra pwäratä ussun äeään chcha? (5) Ikkefa ekkewe feiengaü seni IV chcha? (6) Met ekiekin chommong sou sile ussun ewe feiöchün än emön etiwa pwal ekkoch minen älillis lükün IV chcha? (7) Met a efisatä nafangaüen chcha [anemia]? Ifa ükükün ewe nafangaüen chcha inisich esap mwo feiengaü ren? Met epwe älisi emön ika a nafangaüen chcha? (8) Ifa ussun ekkewe tokter ra tongeni alapalo ekkewe cell mi par lon inisin ewe mi semmwen? (9) Met tokter ra tongeni föri pwe esap kon watte ewe chcha a towu seni emön atun an reirei? (10) Mei wor minen älillis fän iten semirit are fän iten aramas mi feiengaü watte lükün IV chcha? (11) Ifa eü allük mi lamot fän iten ekkewe tokter lupwen ra älisi aramas? (12) Met popun a lamot pwe chon Kraist repwe mwittir filatä menni älillis repwe etiwa lükün ewe IV chcha? Ifa ussun sipwe föri ena?

Pokiten minne emön a käeö seni Paipel, iwe, mwelien letipan epwe pwisin filatä ika epwe etiwa ekkewe minen älillis a fich lon ei cassette. Ka fen filatä met sokkun älillis en me chon om famili oupwe etiwa ika tokter a apasa pwe oupwe IV chcha? Nengeni ewe “Questions From Readers”(“Kapas Eis Seni Chon Ällea”) fän June 15, 2004, me October 15, 2000 lon The Watchtower me ewe insert “Epwe Met Filiei Ussun Kinikisitiuen Ekkewe Kifetin Chcha me Ekkewe Minen Älillis lon Pioing Mi Äeä Chchai?” lon ewe November 2006 Ach Angangen Afalafala Ewe Mwu. A lamot pwe kopwe esile ngeni chon om famili rese fiti ach lükü me iö kewe ra mak lon nöüm we DPA card ussun filiom kewe.