Met Sipwe Apasa Ussun Ekkewe Chassi

Ewe Leenien Mas Feb. 2008

“Chommong aramas ra kan iotek fän iten Mwuun Kot an epwe feito. Ren chök awewe, ekieki mwo ei iotek mi iteföülo Jises a äiti ngeni nöün chon käeö. [Älleäni Mattu 6:9, 10.] Ka fen ekieki ika met ena Mwuun Kot me inet ena mwu epwe feito? [Mut ngeni an epwe pölüeni.] Ei chassi a aweweei met ewe Paipel a apasa ussun ei mettoch. Ekkei chassi mi kawor fän iten ekkewe mi mochen alapalo ar sile lon Paipel. Ika ka mochen awora ekis monien älillis ren kalisitaan ei angang woon unusen fönüfan, ua fokkun pwapwaiti le angei.”

The Watchtower Feb. 1

“Om ekiek ifa ussun ekkewe famili repwe feiöch ika repwe apwönüetä ei pesepes? [Älleäni Efisus 4:31. Mwirin mut ngeni an epwe pölüeni.] Lon ei chassi mi wor ekkoch minen älillis seni Paipel ren ifa ussun emön epwe tongeni pwäkini osukosuken famili me tümünüöchü pwapwaan ewe pwüpwülü.” Menlapei ewe pworaus a poputä lon pekin taropwe 18.

Awake! Feb.

“Chommong ra lükü pwe Kot a etittina iteitan ekkewe mwääl sia föri. Ekkoch ra meefi pwe I a omusalo meinisin tipisich ese lifilifil ifa ükükün choun. Met om ekiek? [Mut ngeni an epwe pölüeni, mwirin älleäni Fofor 3:19.] Ei chassi a aweweei ekkewe ülüngät mettoch me ren ewe Paipel sipwe föri ren ach sipwe küna än Kot ümöümöch.” Menlapei ewe pworaus a poputä lon pekin taropwe 10.