Iei Met Sipwe Tongeni Apasa

Le Poputääni Käeöön Paipel lon ewe Äeüin Ammol fän January

“Ekkoch sam ra meefi pwe mi chommong met repwe föri le ämääriöchüetä nöür kewe. Pwal ekkoch sam ra ekieki pwe mi chök naf ar repwe awora tufichin manauen nöür kewe. Nge met meefiom?” Aüseling ngeni meefian. Mwirin, ngeni ewe chon imw Ewe Leenien Mas, minen December 1, iwe, fän ewe äeüin itelap kisikis lon pekin taropwe 30, pworaus woon eü me lein ekkewe ülüngät mettoch mi äweires ngeni ekkewe sam. Älleani ngeni ewe chon imw usun än Jiowa Kot leenien äppirü mi mürinnö lon Mattu 3:17. Likiti ngeni ewe Leenien Mas, me akkota ineet kopwe liwinsefäl me sopwelo le pworaus woon pwal eü me lein ekkena ülüngät mettoch mi äweires ngeni ekkewe sam.”

Ewe Leenien Mas December 2011

“Ekkoch ra meefi pwe a kon pinepin minne Paipel a apasa usun ewe föfförün chufengen me ese chüen lamot ngeni ei fansoun. Nge pwal ekkoch ra tipeeü ngeni alon Paipel. Met meefiom? [Aüseling ngeni meefian.] Nengeni met ei wokisin a äiti ngenikich ika a pop seni iö än Paipel kewe allük. [Älleani 2 Timoti 3:16.] Ei puk a äiti ngenikich ifa usun ewe Paipel a pölüweni engol kapas eis aramas ra kan ekkeis usun ewe föfförün lisowu. A pwal äweweei ifa usun än Paipel kewe allük ra atoto feiöch ngenikich.”

Ewe Leenien Mas December 2011

“Ika ka mochen chiechiöch ngeni emön, itä kopwe chök pworaus ngeni usun ekkewe mettoch ka kan ekilapei? [Aüseling ngeni meefian. Älleani Filipai 2:4.] Ese wor tipemwaramwar pwe ekkewe sam me in ra mochen ririöch ngeni nöür kewe. Ewe pworaus mi poputä lon pekin taropwe 30 a äiti ngeni ekkewe sam ifa usun repwe tongeni ririöch ngeni nöür kewe ät.”