Áeá Ekkeei Afalafal

Le Poputááni Káéén Paipel lón ewe Áeúin Ammól fán December

Eiti ngeni ewe chón imw ewe tract Ka Mochen Silei ewe Enlet? me itini ekkewe kapas eis wóón. Kopwe apasa: “Ikkeei ekkóch kapas eis mi múrinné Paipel a tongeni pélúwenéchúúr. Ka fen eáni ekkóch me lein ekkeei kapas eis?” Mwirin án ewe chón imw pélúweni, pwóróusfengen wóón pélúwen eú me lein an kewe kapas eis wóón ewe tract me álleani eú me lein ekkewe wokisin mi makketiw. Akkóta pwe kopwe liwinsefál me pélúweni pwal eú kapas eis wóón ewe tract.

Ewe Leenien Mas November 2012

“Ám aua chuuri aramas pokiten chómmóng ra lólilen ren lapólóón pworoingaw lón pekin business me mwú. En mi lúkú pwe mi wor met epwe ataweei ei osukosuk? [Mut ngeni an epwe pélúweni.] Nengeni met ei wokisin a apasa usun féfférún Jesus ngeni chókkewe mi kúna pworoingaw. [Álleani Kölfel 72:12-14.] Ei puk a pwáraatá ifa usun pworoingaw epwele móróló.”

Ewe Leenien Mas November 2012

“Chómmóng ra kúna pwe a weires ar repwe kúnékún angangen moni pokiten pworoingaw. Ka fen kúna pwe a fiffis ei sókkun osukosuk? [Mut ngeni an epwe pélúweni.] Nengeni eú wokisin mi pwáraatá pwe epwe móróló eú me lein ekkewe popun an a wor pworoingaw. [Álleani Aisea 55:7.] Ei puk a áwewe usun pwal ruu popun an a wor pworoingaw me ifa usun Kot epwe amóróló.”