Áeá Ekkeei Afalafal

Le Poputááni Káéén Paipel lón ewe Áeúin Ammól fán July

“Met óm ekiek, ifa meefien Kot usun ach kewe iótek? Ka ekieki pwe a aúcheaniir are a chék mutiretá?” Aúseling ngeni meefian. Áiti ngeni lúkúnúppen ewe Leenien Mas minen July 1, me pwóróusfengen wóón ewe pwóróus fán ewe áeúin kapas eis me mwaren álleani eú me lein ekkewe wokisin lón. Anéúnéú ngeni ewe Leenien Mas, me akkóta pwe oupwe pwal pwóróusfengen wóón ewe kapas eis mwirin.

Ewe Leenien Mas July 1

“Pokiten Kot ewe mi unusen manaman, óm ekiek nge efisien Kot meinisin minne mi ngaw a fiffis wóón fénúfan? [Aúseling ngeni meefian. Mwirin, álleani James 1:13.] Ei puk epwe áweweei pwata a fiffis mettóch mi ngaw me met Kot epwe féri pwe epwe áwesaaló minne mi ngaw me riáfféú.”