Áeá Ekkeei Afalafal

Ia Sia Tongeni Kúna me Ie Pélúwen Ekkewe Kapas Eis mi Fókkun Lamot lón Manawach?

Ngeni ewe chón imw ewe tract pwe epwe kúna ewe itelap, iwe mwirin apasa: “Rán allim. Ám aua féri ei angangen einet wóón unusen fénúfan usun ei pwóróus mi lamot. Ina noum na kapi.”

Ika kopwe likiti ewe tract lón ekkewe imw ese wor aramas lón, onómu ikewe aramas resap kúna me ie me túmúnú pwe ete nnum.

Ika ewe chón imw a pwapwaiti le aúseling are mochen fós, neman kopwe eisini meefian usun ekkewe kapas eis lúkúnpéén ena tract. Suuki ena tract me áiti ngeni met Kölfel 119:144, 160 a apasa. Áweweei pwe ewe tract a wor pwóróus usun eú Web site epwe tongeni álisi le kúna pélúwen kapas eis mi álilliséch seni ewe Paipel. Neman ka tongeni áiti ngeni ewe video itelapan Pwata Kopwe Káé ewe Paipel? Me mwen kopwe ló, áiti ngeni ekkewe úlúngát kapas eis lúkúnúppen ena tract me eisini menni lein ekkewe kapas eis a kon ekieki. Ereni pwe kopwe liwiniti pwe kopwe tongeni áiti ngeni ifa usun epwe kútta pélúwen ena kapas eis seni Paipel ren an áeá ewe jw.org. Iwe, atun ka liwiniti ena emén, pwóróus wóón pélúwen ewe kapas eis ren ámi ló ngeni BIBLE TEACHINGS > BIBLE QUESTIONS ANSWERED.

Ika oua pwal einet ewe taropween etiwetiw fán iten ewe mwichelap lón summer, ngeni ewe chón imw ewe tract fengen me ewe taropween etiwetiw me pwal apasa, “Nge aua pwal ngonuk ena taropween etiwetiw fán iten eú mwichelap epwe fis nge ese kamé.”

Ewe Leenien Mas August 1

Lón Ammól me Ráninfel, ika mi fich, apasa ei le menlapei Ewe Leenien Mas: “Ám aua pwal mochen ngonuk ei puk mi kerán katowu. Lón ei Leenien Mas a pélúweni ewe kapas eis, Itá Kot a kan áfánnuk?”