“Ngang Üa Mochen, Kopwe Tiniei”

Sipwe fókkun áppirú án Aisea mwasangasang le angang fán iten Jiowa. A pwáraatá lúkú me a mwittir mochen álillis inaamwo ika ese kon lien silei unusen pwóróusen ewe angang. (Ais 6:8) En mi tongeni siwili nónnómum pwe kopwe feiló afalafal lón ekkewe leeni mi osupwangen chón afalafal ie? (Kf 110:3) Akkomw, a lamot kopwe “kütta fite ükükün liwinin” fán iten ena kókkót. (Luk 14:27, 28) Iwe nge, mmólnetá pwe kopwe pennúkúóló mochenum fán iten ewe angangen afalafal. (Mat 8:20; Mar 10:28-30) Nge ewe video Moving to Serve Where the Need Is Greater, a menlapei ekkewe feiéch sipwe angei lón ach angang ngeni Jiowa repwe fókkun chómmóng lap seni minne sia pennúkúóló.

MWIRIN ÓM KATOL EWE VIDEO, PÉLÚWENI EKKEEI KAPAS EIS:

• Ikkefa ekkewe mettóch ewe famili lón ewe video a pennúkúóló ren ar repwe afalafal lón Ecuador?

• Ikkefa ekkewe mettóch ra ekieki atun ra fili menni fénú repwe mwékút ngeni me afalafal ie?

• Ikkefa ekkewe feiéch ra kúna?

• Ia ka tongeni kútta me ie pwal ekkóch pwóróus usun ekkewe leeni mi osupwangen chón afalafal ie?

ATUN ÁMI FAMILI FEL PWÓRÓUSFENGEN WÓÓN EKKEEI KAPAS EIS:

• Ifa usun ach ei famili epwe alapaaló an angangen afalafal? (km-E 8/11 4-6)

• Ika sise tongeni afalafal lón ekkewe leeni mi osupwangen chón afalafal ie, ikkefa ekkewe mettóch sia tongeni álisi ach we mwichefel ren? (w16.03-E 23-25)